Exeeni Nniixutta Ahu ni Iviidiyu sa Isipo?

Iviidiyu xeeni sa masipo sinoosivelani? Mwaha wa xeeni? Niireke itthu sinooniheriwa nviidiyuni sinniiraneya mahiku ala? Nookhalana isipo sinceene sooreera, sinaasivela atthu otheene ni sinooniherya myaha soovirikana. Hata vari siiso, iviidiyu sa isipo sinikumiheriwa khasipakiwe wira sinihakalaliheke paahi.

Khula eviidiyu ya nsipo ennivareleya muteko mookumini mwahu hata okathi woolaleerya. Isipo sikina sinttittimiherya owaakhela aletto, okhala owiiraana, waapaka apatthani ooloka, olipa murima, ophenta ni waamini. Nave sikina sinttittimiherya omuhokolowela Yehova, okhala oolevelela, opaka itthu sooloka mahiku otheene ni okhalana soolukama sa omunepani. Nave nookhalana muusika onttittimiherya moota woomurumeela selulari mookhalela. Malakiheryo xeeni makina oovareleya muteko mphwannye anyu ni iviidiyu sa masipo?

NWEHE EVIIDIYU YA NSIPO NNI: TTHIRI EHAATTAMELA!, NUUMALA-VO MWAAKHULEKE MAKOHO ALA ANITTHARELANA:

• Mareeliho xeeni a muhoolo anamathelana owuuluvala yuupuwela aya?—Map 12:3

• Ninrowa wuncererya sai waamini wahu wira Yehova onimwaakhwaniherya itthu sotheene oleihenrye awe?

• Itthu xeeni soohakalaliha ninlipelela ahu wira sinimwiiraneya moohipisa?

• Moota xeeni ororomela oMwene wa Muluku onnikhaliherya aya ovilela mixankiho?—aRo 8:25