Niireke Muhiilokiherya?

Akhala wira enookhumelela ehasara mootutuxerya muttetthe anyu, niireke muhiilokiherya? Itetere, munamukhaya, opahiwa wa muhuru, ni osareya wa maasi pooti okhumelela mootutuxerya ni opwetexa itthu sinceene. Nave ikhotto, igreve, etala ni iretta pooti okhumelela khula opuro mootutuxerya. (Mu 9:11). Nto hiyo nihuupuweleke wira ihasara iyo khasinkhala-khala sikhumelelaka muttetthe onikhala ahu.

Khula mmosa a hiyo ohaana wiilokiherya sihinatthi okhumelela ihasara iyo. (Mir 22:3) Nnaamwi mutthenkeso wa Yehova onikhaliheryaka okathi sinikhumelela aya ihasara, masi eyo khentaphulela wira nihiilokiheryeke vahinatthi.—aGa 6:5.

NWEHE EVIIDIYU ENI: MUNROWA OPAKA EXEENI OKATHI WA EHASARA YA EPHATTU, NUUMALA-VO MWAAKHULEKE MAKOHO ALA ANITTHARELANA:

• 

  Ninrowa wiilokiherya sai mwa omunepani ehinatthi okhumelela ehasara?

• 

  Xeeni vanreerela aya . . .

  • • olavula ni axitokweene ehinatthi okhumelela ehasara, okathi wa ehasara ni nuuvira ehasara?

  • • oreherya murupa ahu onrowa ahu ohela itthu?—g17.5-T epax. 6

  • • osuwela inamuna soovirikana sa ihasara sikhanle ookhumelela muttetthe ahu, ni osuwela etthu nikhanle ahu oopaka?

• 

  Inamuna xeeni tthaaru nikhanle ahu oowaakhaliherya anna akina aphwanyiwe ehasara?