Munvuwiheke Yehova Murumeelaka Ntoko Pioneero

AIsarayeli yaahikhalana mathowa manceene wira anvuwiheke Yehova. Okhala wira Owo aahiwoopola wExiitu ni aahiwaakiha mmatatani mwa anakhotto a Farawo! (Okh 15:1, 2) Nave olelo-va, Yehova onnaareerela murima arumeyi awe. Ninrowa wooniherya sai oxukhurela wahu?—Esa 116:12.

Enamuna emosa ori orumeela ntoko pioneero ookhaliherya wala ookilaatheya. Wira nwerye orumeela ntoko pioneero, nyuwo muhaana onvekela Yehova murima woophavela ni ikuru. (aFi 2:13) Atthu anceene anipacerya arumeelaka ntoko mapioneero ookhaliherya. Mwa ntakiheryo nyuwo pooti othanla ovahererya iwoora 30 wala 50 miyeeri sa Março ni Abril ohela muhina mweeri ninxukuriwa ahu ni mutokweene a esirkwiitu. Nto nuumala weererya orumeela ntoko pioneero ookhaliherya, nyuwo pooti ophavelaka orumeela ntoko pioneero ookilaatheya. Hata anna anivara muteko nihiku notheene wala anwereyasiwa anniwerya orumeela ntoko mapioneero ookilaatheya. (mwb16.07 epax. 8) Vekeekhai, Yehova onniphwanela wiimananiha wotheene nimpaka ahu wira ninvuwiheke!—1 Wa 16:25.

NWEHE EVIIDIYU ENI: AROKORA ARARU ANKHALA OMONGOLIA, NUUMALA-VO MWAAKHULEKE MAKOHO ALA ANITTHARELANA:

• 

  Mixankiho xeeni arokora ale araru yaaxinttale aya wira awerye orumeela ntoko mapioneera?

• 

  Mareeliho xeeni aphwannye aya?

• 

  Iparakha xeeni sikina siphwannye aya mwaha woorumeela ntoko mapioneera ookilaatheya?

• 

  Ntakiheryo naya naakhalihenrye sai atthu akina?