Ninnooniherya Ophenta Vaavo Ninkhaliherya Ahu Ottaruxa wa Yehova

Okumihiwa mmulokoni, onnikhapelela muloko ni onnaakhaliherya ale anittheka, ottharuwa mweettelo aya woohiloka. (1 aKo 5:6, 11) Vaavo ninkhaliherya ahu ottaruxa wa Yehova, ninnooniherya wira ninnimphenta. Xeeni ninhimya ahu wira okumihiwa mmulokoni enamuna emosa nnooniherya ahu niphento nnaamwi vawereyaka?

Mwa sotheene, ninnooniherya omphenta wahu Yehova niiwelelaka ottaruxa wawe ni malamulo awe anilavula sa oratta wala waarya. (1 Pe 1:14-16) Nave ninnooniherya wira ninnimphenta mutthu owo okumihiwe mmulokoni, okhala wira ottaruxiwa, nnaamwi owereyaka onnimukhaliherya “ovara miteko sa xariya ni okhala ni murettele”. (aHe 12:5, 6, 11) Waataana ni mutthu okumihiwe mmulokoni wala iikuminhe onoolikana ni ohiphavela ottaruxa wa Yehova. Tthiri nihiliyale wira Yehova onaattaruxa arumeyi awe mwa ‘xariya’. (Yer 30:11) Nto, nihaana ovikaniha ovara miteko sahu sa eKristau ni okhaliherya enamuna Yehova onittaruxa awe, niroromelaka wira mutthu owo onootthikela wa Tiithi ahu oomoriwa ikharari.—Yes 1:16-18; 55:7.

NWEHE EVIIDIYU ENI: MUROROMELEYEKE NI MURIMA WOTHEENE, NUUMALA-VO MWAAKHULEKE MAKOHO ALA ANITTHARELANA:

• 

  Owereya xeeni anamuyari anoona aya vaavo mwanaya onihiya awe omurumeela Yehova?

• 

  Anna anrowa okhaliherya sai etthoko okumihiwe mmusi aya mmulokoni?

• 

  Yoowiiraneya xeeni ya mBiibiliyani enooniherya wira ororomeleya wahu wa Yehova ohaana okhala nipuro noopacerya ovikana emusi ahu?

• 

  Ninrowa wooniherya sai wira ororomeleya wahu wa Yehova ti wuulupale ovikana emusi ahu?