Watchtower EBIBLIOTEKA ONLAINE
Watchtower
EBIBLIOTEKA ONLAINE
Emakhuwa
  • BIIBILIYA
  • ILIIVURU
  • MITHUKUMANO
  • mwb21 Janero epaax. 11
  • Muthanle Omurumeela Yehova

Mpantta ola khekhanle eviidiyu.

Muniswaamihe, khivaniweryaneya orumiha eviidiyu ela.

  • Muthanle Omurumeela Yehova
  • Okumi ni Orummwa Ahu wa eKristau—Ekaderno Enirumeeliwa Omuthukumanoni—2021
  • Mwaha Onlikana Nuula
  • Opatisiwa Nivalo na Efaita Munireerela Anyu Opaka!
    Okumi Woohimala!​—Kursu a Biibiliya
  • Obatizo ni Wataana Wanyu ni Muluku
    Biibiliya Oniixuttiha Exeeni Tthiri?
  • Niireke Muhiilokiherya Wira Mpatisiwe?
    Owehaweha Elaleyaka Omwene wa Yehova (Yoosoma)—2020
  • Yootaphulela ya Obatizo Anyu
    Mmukokhoreleke Muluku Mmosaa Paahi Eekeekhai
Nwehe Sikina
Okumi ni Orummwa Ahu wa eKristau—Ekaderno Enirumeeliwa Omuthukumanoni—2021
mwb21 Janero epaax. 11
Ephiro erina mapawe, yooniheryaka moota woomurumeela Yehova. Mapawe awo anithoonyerya mavalo mutthu onipaka awe, ntoko omusoma Biibiliya, orowa omuthukumanoni, olaleerya ni opatisiwa.

Mavalo xeeni mpanke anyu wira mpatisiwe?

MIHAKHU SINIKHUMA MBIIBILIYANI

Muthanle Omurumeela Yehova

Vakhala wira nyuwo mwa mmiravo wala munimusoma Biibiliya, niireke munniphavela opatisiwa? Xeeni munreerela anyu okhalana yoolukama eyo? Wiivahererya ni opatisiwa onimookhaliheryani okhalana waataana wooloka ni Yehova. (Esa 91:1) Nave opatisiwa onnimukhaliherya mutthu woopowa. (1 Pe 3:21) Exeeni mukhanle anyu oopaka wira nwerye waakhwaniherya yoolakela anyu?

Mukupaliki wira moophwanya ekeekhai. Vaavo munkhalana anyu muxankiho, mutokoseke wira musuwele yoopaka. (aRo 12:2) Muupuweleke marukunuxo mukhanle anyu oopaka, vaavo munipaka anyu marukunuxo awo yoolakela anyu okhaleke omuhakalaliha Yehova. (Mir 27:11; aEef 4:23, 24) Khula okathi munvekeleke Yehova wira ookhaliheryeni. Muhiliyale wira Yehova orumeelaka munepa awe wootteela onimoovahani ikuru wira nwerye ovilela. (1 Pe 5:10, 11) Wiimananiha wanyu onookhumela saana okhala wira omurumeela Yehova, etthu yoolokexa mukhanle anyu opaka mookumini mwanyu!—Esa 16:11.

NWEHE EVIIDIYU ENI: MARUKUNUXO ATTHU AKINA APANKE AYA WIRA APATISIWE, NUUMALA-VO MWAAKHULEKE MAKOHO ALA ANITTHARELANA:

  • Mixankiho xeeni anna akina avirinhe aya wira apatisiwe?

  • Exeeni mukhanle anyu oopaka wira mukhalane waamini woolipa wira mwiivahererye wa Yehova?

  • Exeeni ewiirinhe anna akina opatisiwa?

  • Mareeliho xeeni Yehova onaavaha awe ale anithanla omurumeela?

  • Ontaphulela-ni wiivahererya ni opatisiwa?

Wuumalani wa mwaha wa opatiso, mulipa oolavula mwaha onnaavekela weemela ale anirowa opatisiwa wira yaakhule moowiiwanyeya makoho anittharelana:

Moottharuwa soottheka sanyu, muhiivahererya wa Yehova ni muhaamini wira apinaatamu, anoowerya woopoliwa paahi mwaha wa mukuttho wa Yesu Kristu?

Munnisuwela wira opatisiwa wanyu, onnooniherya wira nyuwo mwa Namoona a Yehova ni muniirela mpantta mutthenkeso wa Yehova?

Waakhula wanyu makoho ala onithoonyerya ‘ohimya ohoolo w’atthu’ waamini wanyu yowoopola ni wira muhiivahererya wa Yehova ni murima wotheene.—aRo 10:9, 10.

    Watchtower EBIBILIOTEKA ONLAINE (1982-2025)
    Okhuma
    Okela
    • Emakhuwa
    • Ovaha
    • Siniphavela Anyu
    • Copyright © 2025 Watch Tower Bible and Tract Society of Pennsylvania
    • Malamulo Oorumeela
    • Mwaha Woosuka Isiiri
    • Privacy Settings
    • JW.ORG
    • Okela
    Ovaha