MUKHALELEKE NTHITI MUTEKO WOOLALEERYA | MUNCERERYE OHAKALALA WANYU NI MUTEKO WOOLALEERYA

Opaka Malikanyiho Anooniherya Iponto Suulupale

Okathi nimpaka ahu mikwaha sootthikela oxukurya aahiiso nnaasomiha ahu atthu Biibiliya, nihaana waakhaliherya osuwela iponto suulupale. Nirumeelaka malikanyiho aniixuttiha iponto suulupale, nnoowerya ovara mirima sa atthu awo ni waakhaliherya wuupuwelela iponto iyo.

Okathi muniilokiherya anyu wira mpake mikwaha sootthikela oxukurya aahiiso wiiriha yoosoma ya Biibiliya, muthanleke iponto suulupale, ohiya itthu sahaarowa okhaliherya, seiyo muniphavela anyu orumeela. Muthanleke malikanyiho ookhweya anirumeeliwa khula nihiku. (Mat 5:14-16; Mir 2:21; Luk 14:7-11) Musuweleke makhalelo ni miteko sa ale anoowiriyanani. (Luk 5:2-11; Yoh 4:7-15) Vaavo munaaweha anyu ale munaalaleerya anyu ahakalalaka mwaha wowiiwexexa eponto ene, ni nyuwo munoohakalala.

NWEHE EVIIDIYU ENI: MPHWANYE OHAKALALA NI MUTEKO WOWAAPAKA AWIIXUTTI—NILOKIHERYEKE INAMUNA SAHU—OPAKA MALIKANYIHO ANOONIHERYA IPONTO SUULUPALE, NUUMALA-VO MWAAKHULE MAKOHO ALA ANITTHARELANA:

Xeeni ninreerela ahu waakhaliherya ale nnaasomiha ahu Biibiliya wiiwexexe iveersu sa mBiibiliyani?
Nlikanyiho xeeni Rita aarumenle awe wira otthokiherye yoolepa ya aRoma 5:12?
Malikanyiho ooloka annivara murima

Mireerelo xeeni malikanyiho ooloka anikumiherya aya?
Okathi woolaleerya, xeeni ninreerela ahu orumeelaka iviidiyu ni ikaruma sahu sikina siri ekaaxa ya wiixuttiha, sinikumiheriwa ni mutthenkeso ahu?