Mweemereryeke Okhaliheriwa ni Yehova Mpakaka Mavekelo

Yehova toniiriha wunnuwa epyo ya ekeekhai vamurimani va mutthu. (1 aKo 3:6-9) Wira nikhumele saana mmutekoni woolaleerya, nikupaliki wira Yehova onoonikhaliherya vamosa ni soosoma sahu sa Biibiliya.

Munvekeleke Yehova wira aakhaliheryeke anaxikola anyu ovilela ni oxintta mixankiho. (aFi 1:9, 10) Muhimyeke etthu ene enooxankihani. Nvekeleke munepa woowaarya wira weettiheke miyuupuwelo sanyu ni miteko sanyu. (Luk 11:13) Mmwiixuttiheke naxikola anyu moota woovekela, nave mmutumereryeke opaka eyo. Nvekeleke nuuwo muromolaka nsina nawe.

NWEHE EVIIDIYU ENI: MPHWANYE OHAKALALA NI MUTEKO WOWAAPAKA AWIIXUTTI—MWEEMERERYE NIKHALIHERYO NA YEHOVA—OVEKELA. NUUMALA-VO MWAAKHULEKE MAKOHO ALA ANITTHARELANA:

• Muxankiho xeeni Rita aarina awe okathi aamusomiha awe Rosa?

• Moota xeeni 1 aKorinto 3:6 aamukhalihenrye awe Rita?

• Moota xeeni muxankiho wa Rita waamanle aya?