Mwaakhaliheryeke Ale Munaasomiha Anyu Biibiliya Oxintta Soolema Soohiloka

Atthu arina mweettelo wooloka paahi takhanle omwaattamela Yehova. (1 Pe 1:14-16) Vakhala wira ale animusoma Biibiliya anooxintta soolema saya soohiloka, awo nave anoowerya okhalana emusi, okumi ni makhalelo ooloka.

Mwaakhaliheryeke wiiwexexa malakiheryo Yehova onnivaha awe voohimya sa mweettelo wooloka, etthu emmwiiriha opaka eyo ni mireerelo nimphwanya ahu okathi nniiwelela ahu. Mwaakhaliheryeke ale munaasomiha anyu Biibiliya oturuka muupuwelo aya, mwiira siiso awo anoowerya aka opaka itthu sinimusivela Yehova. (aEef 4:22-24) Mwaakhaliheryeke anaxikola anyu woona wira akhaliheriwaka ni Yehova, anoowerya oxintta yoolema yoohiloka aniwanana aya. (aFi 4:13) Nave nwiixuttiheke anaxikola anyu onvekela Yehova, okathi anuupuwelela aya opaka etampi. Nave mwaakhaliheryeke osyaka itthu saarowa owiiriha opaka itthu soohiloka. Mwaatumereryeke okhalana soolema sooloka sinrowa waakhaliherya mookumini mwaya, ohiiya soolema sinrowa owiirihaka opaka itthu soohiloka. Nyuwo munoorowa ohakalala vanceene okathi munrowa anyu onwehaka naxikola anyu, okhaliheriwa ni Yehova opaka marukunuxo.

NWEHE EVIIDIYU ENI: MWAAKHALIHERYEKE ALE MUNAASOMIHA ANYU BIIBILIYA OXINTTA SOOLEMA SOOHILOKA, NUUMALA-VO MWAAKHULEKE MAKOHO ALA ANITTHARELANA:

• 

  Moota xeeni axitokweene ni Rita yoonihenrye aya wira yaanimuroromela Rosa?

• 

  Moota xeeni Rita aamukhalihenrye awe Rosa?

• 

  Moota xeeni Rosa aaphavenle awe okhaliheriwa ni Yehova?