MUKHALELEKE NTHITI MUTEKO WOOLALEERYA | NINCERERYE OHAKALALA WAHU OKATHI WOOLALEERYA
Mwaakhaliheryeke Ale Munaasomiha Anyu Biibiliya Olipiha Waataana Waya ni Yehova
Nimurumeeleke Yehova mwaha womphenta. (Mat 22:37, 38) Vakhala wira naxikola ahu onnimphenta Yehova, eyo enoomukhaliherya opaka marukunuxo mookumini mwawe ni ovilela okathi wa mixankiho. (1 Yo 5:3) Nave omphenta Muluku onoomwiiriha opatisiwa.
Mwaakhaliheryeke anaxikola anyu a Biibiliya woona wira Yehova onnaaphenta. Nuumala-vo, mwaapakeleke makoho ntoko ala: “Exeeni eniwiixuttihayani voohimya sa Yehova?” wala “Ela enooniherya sai wira Yehova onnoophentani?” Nave mwaakhaliheryeke woona moota Yehova onaakhaliherya awe mookumini mwaya. (2 Wa 16:9) Nvaheke matakiheryo a moota Yehova aakhunle awe mavekelo anyu, nave mmutumereryeke naxikola anyu olepa okathi Yehova onaakhula awe mavekelo awe. Ninnihakalala vanceene vaavo nimmwiiwa ahu naxikola ahu, ohimyaka wira onniphentiwa vanceene ni Yehova ni ooniheryaka omphenta wawe yena.
NWEHE EVIIDIYU ENI: MWAAKHALIHERYEKE ALE MUNAASOMIHA ANYU BIIBILIYA OLIPIHA WAATAANA WAYA NI YEHOVA. NUUMALA-VO MWAAKHULEKE MAKOHO ALA ANITTHARELANA:
Mixankiho xeeni Rosa aaviriha awe?
Rita aamukhalihenrye sai Rosa?
Rosa aawenrye sai ovilela muxankiho ole?