Mwaaphenteke Amusi Anyu

Ophenta ekoola enuuranyiha emusi. Emusi ehirina niphento ennivila okhala yowiiraana ni okhalana murettele. Moota xeeni alopwana oothela, athiyana ootheliwa ni anamuyari anrowa aya wooniherya niphento mweemusini mwaya?

Mulopwana oophenta onoovahaka efaita soophavela sa amwaarawe, ni moonelo aya. (aEef 5:28, 29) Nave onookhaliheryaka emusi awe mwa muthinto wa weerutthuni ni wa omunepani, ohela muhina othokorerya yoolepa ya khula nihiku ni omulompa Muluku vatthokoni. (1 Ti 5:8) Nave muthiyana oophenta onoomwiiwelelaka ni “omuttittimiha vanceene” iyawe. (aEef 5:22, 33; 1 Pe 3:1-6) Oowanli aya ahaana olevelelana ni murima wotheene. (aEef 4:32) Anamuyari oophenta annaathokorerya anaaya ni owiixuttiha omphenta Yehova. (Otu 6:6, 7; aEef 6:4) Mixankiho xeeni aniviriha aya anaaya oxikola? Anivilela sai sookhanyererya sa anaxikola akhwaaya? Vaavo imusi sinooniherya aya niphento, atthu otheene annihakalala ni ovareleleya.

NWEHE EVIIDIYU ENI: NVIKANIHEKE WAAPHENTA ATTHU A VATTHOKONI VANYU, NUUMALA-VO MWAAKHULE MAKOHO ALA ANITTHARELANA:

• 

  Moota xeeni mulopwana oophenta onooniherya awe wira onnaavaha efaita amwaarawe?

• 

  Moota xeeni muthiyana oophenta onooniherya awe wira onnaattittimiha vanceene aiyawe?

• 

  Moota xeeni anamuyari oophenta aniwiixuttiha aya anaaya Nuulumo na Muluku?