Etthu Nniixutta Ahu ni Okumi wa Samuweli

Samuweli aanimuroromela Yehova okumi awe wootheene. Okathi aari awe mmiravo, kheemerenrye wira ntakiheryo noohiloka na anamwane a Eli, Ofini ni Pineha, nimwiirihe opaka itthu soohiloka. (1 Sa 2:22-26) Okathi Samuweli annuwa awe, Yehova khaahiyale omukhaliherya. (1 Sa 3:19) Hata nuumala wuuluvala, aahithipelela omuroromela Yehova. Samuweli aahipaka eyo, nnaamwi anaawe yahaaphavela omwiiwelela Yehova.—1 Sa 8:1-5.

Ntakiheryo na Samuweli ninniixuttiha exeeni? Vakhala wira nyuwo mwa mmiravo, mukupaliki wira Yehova onnisuwela mixankiho sanyu. Owo pooti wookhaliheryani okhala mutthu oolipa murima. (Yes 41:10, 13) Vakhala wira mookhalana anamwane ahiyale omurumeela Yehova, musuweleke wira Samuweli kaakhanyerenrye anaawe omurumeela Yehova. Ohiya-vo, owo aahinvahererya muxankiho awe ole Yehova. Nave khaahiyale ororomeleya ni omusiveliha Yehova. Woonasa wene, ntakiheryo nanyu nooloka pooti omukhaliherya mwaninyu otthikela wa Yehova.

NWEHE EVIIDIYU ENI: MUTTHAREKE NTAKIHERYO NAYA—SAMUWELI. NUUMALA-VO MWAAKHULE MAKOHO ALA ANITTHARELANA:

• 

  Okathi aari awe mmiravo, Samuweli oonihenrye sai olipa murima?

• 

  Tino oonihenrye sai olipa murima?

• 

  Ntakiheryo xeeni nooloka, Samuweli ovanhe awe okathi wuuluvanle awe?

• 

  Ntakiheryo xeeni nooloka anamuyari awe Tino avanhe aya?