Murumeeleke Ihapari sa Niinaano Okathi Woolaleerya

Okathi Yesu aalaleerya awe, aanirumeela ihapari sa niinaano wira iixuttihe. (Luk 13:1-5) Nave nyuwo pooti orumeela ihapari sikumiheriwe niinaano wira nwiirihe atthu osiveliwa ihapari sa oMwene. Mwa ntakiheryo, nyuwo pooti oromola wuncereriwa wa iperesu, ihasara sa ephattu, ikhotto, ni yoolema ya olya mirette soohapala aahiiso etthu ekina. Nuumala-vo, mpakeke nikoho ninrowa omwiiriha mutthu owo wuupuwelela, ntoko: “Mwa moonelo anyu, niireke mixankiho sinoomala . . . ?” aahiiso “Exeeni enrowa owerya omaliha mixankiho iya . . . ?” Nuumala-vo, mmooniheryeke yoolepa ya mBiibiliyani enivarihana ni mwaha owo. Vakhala wira mutthu owo ohooniherya osiveliwa, mmooniheryeke eviidiyu aahiiso iliivuru sahu sikina sinnikhaliherya wiixuttiha. Niira siiso nnoowerya ovara murima wa atthu nnaalaleerya ahu, ‘nipakaka itthu sotheene mwaha wa ihapari sooreera’.—1 aKo 9:22, 23.

Ihapari xeeni sikhumelenle niinaano sinrowa waasivela atthu a muttetthe anyu?