MAKHALELO A MAKRISTAU

Mphwanye Malakiheryo Anrowa Wookhaliheryani Khula Nihiku Esaiti JW.ORG

Biibiliya, onninivaha malakiheryo anrowa onikhaliherya ovilela mixankiho sinniphwanya mahiku ala ookiserya. (2 Ti 3:1, 16, 17) Masi, okathi mukina nihaana okhaliheriwa wira niphwanye malakiheryo anivarihana ni muxankiho ahu. Mwa ntakiheryo, paapa aahiiso maama pooti ophavela malakiheryo a moota woowaahuwa anamwane. Amiravo akina, annikumana mixankiho sineehererya waamini waya. Nave atthu akina anniriipiwa murima mwaha wa okhweliwa mwaaraya aahiiso iyeya. Nto, esaiti jw.org aakhala malakiheryo anrowa wookhaliheryani ovilela mixankiho iyo ni mixankiho sikina. — Mir 2:3-6.

Epaaxina ya esaiti jw.org ennooneya mutabletini. Efootu eyo enooniherya mpantta SOWIIXUTIHA SA BIIBILIYA.

Epaaxina yoopacerya ya esaiti jw.org murowe opuro oni: SOWIIXUTTIHA SA BIIBILIYA, nuumala-vo muthanle mwaha muniphavela anyu. (Nwehe efootu 1.) Aahiiso murowe opuro oni: BIBLIOTECA > SÉRIE DE ARTIGOS, nuumala-vo muthanle mwaha muniphavela anyu. (Nwehe efootu 2.) Nyuwo pooti ophwanya myaha iyo aplikativo ahu JW Library^®.a Nave nyuwo pooti olepa mwaha muniphavela anyu mpantta oni: Ophavelasa ori esaiti jw.org.

Epaaxina ya esaiti jw.org ennooneya mutabletini. Eseeta enooniherya EBIBLIOTEKA mpantta oni MYAHA.

Mulepe myaha siri vathi-vo, mpantta oni: Ophavelasa ni mpake elista ya myaha muniphavela anyu osoma.

Waahuwa anamwane
Oxanka
Okhweliwa ole mwathelanne anyu

a Mpakha-va, myaha sikina khasikhanle aplikativo JW Library. Masi nyuwo pooti ophwanya myaha iyo sootheene esaiti jw.org.