MAKHALELO A MAKRISTAU

Mwaakhaliheryeke Atthu Ahineettela Etiini Omusuwela Mpattuxa

Niireke mwaahitoko ophavela omulaleerya mutthu ohineettela etiini, masi munuupuwela wiira khonirowa woowiriyanani? Akhala wiira munuupuwela siiso, muhiliyale wiira atthu anceene yaale yaaheettela etiini, waahela muhina ale yahaakupali wiira Muluku ookhala, vano Anamoona a Yehova. Ikwaha sinceene, itthu yaapirisari aya waari okhaliheriwa vakhaani paahi wiira asuwele itthu sinooniherya wiira Muluku ookhala. — aRo 1:20; 10:14.

NWEHE EVIIDIYU ENI: MUHILIYALE WIRA — ATTHU AHIRINA WAAMINI POOTI OKHALANA WAAMINI! — ATTHU AHINEETTELA ETIINI. NUUMALA-VO MWAAKHULE NIKOHO NINTTHARELANA:

Yoowiiraneya ya Tommaso yookhalihenryeni sai okhalana moonelo wooloka voohimya sa waalaleerya atthu ahineettela etiini?

Mwaakhule va

Etthu mukhanle anyu oopaka

Akhala wiira mutthu munimulaleerya anyu khonikupali wiira Muluku ookhala, mmureereleke murima ni mmooniheryeke wiira munnithokorerya moonelo awe voohimya sa mwaha owo. (2 Ti 2:24) Nave nvaaneleke myaha sikhanle onvara mirima. Ankhi vakhala wiira onnipacerya ovaanyiha itthu sinaakupaliha atthu anceene wiira ookhala mpattuxa? Akhala wiira ti siiso, murumeeleke iviidiyu ni iliivuru sinitthokiherya mwaha owo. Ibroxuura Será Que a Vida Teve Um Criador? ni A Origem da Vida–Cinco Perguntas Que Merecem Resposta seiyo siniirela mpantta ikaruma sahu sa wiixuttiha, sinimookhaliheryani omutthokiherya mutthu voohimya sa mwaha owo.

Wanipacerya, nyuwo pooti woovelelaka omuleela ekeekhai mutthu ohinimukupali Muluku. Munvekeleke miruku namalaleerya onisuwela itthu sinceene. Nave muhiliyale wiira Yehova pooti waakhaliherya oturuka muupuwelo aya nnaamwi wanipacerya yahaakupali wiira yena ookhala. — Mit 13:48.