Muttotteleke Mureerelo Ireferensia Marxinaale

Ireferensia marxinaale siri Biibiliya a Elapo Esya, sinnooniherya wiira Biibiliya ootheene onnivarihana. Wiira mphwanye ireferensia marxinaale, nweheke ileetera saamukhaani siri vasulu va moolumo. Vakhala wiira munimurumeela Biibiliya oowimpirimiriwa, nweheke ileetera iyo ekuluna eri variyari aahiiso vathi. Esaiti jw.org aahiiso apilikatiivu JW Library^®, ileetera iyo saamukhaani sinniphwanyaneya vasulu va moolumo.

Ireferensia iyo marxinaale, pooti wookhaliheryani ophwanya iponto iya sinittharelana:

Soowiiraneya Sinilikana: Ireferensia iyo, sinnooniherya soowiiraneya sinlikana, masi siri iliivuru sikina. Mwa ntakiheryo, munwehe 2 Samuweli 24:1 ni 1 Wahala 21:1.

Moolumo anoolikana: Ireferensia iyo, sinnooniherya moolumo mamosa-ru, masi ari iversiikulu aahiiso iliivuru sikina. Mwa ntakiheryo, munwehe Matheyo 4:4 ni Otumererya 8:3.

Wiiraneya wa eprofesia: Ireferensia iyo, sinnooniherya moota iprofesia siiraneyale aya. Mwa ntakiheryo, munwehe Matheyo 21:5 ni Zakariya 9:9.