Watchtower EBIBLIOTEKA ONLAINE
Watchtower
EBIBLIOTEKA ONLAINE
Emakhuwa
  • BIIBILIYA
  • ILIIVURU
  • MITHUKUMANO
  • mwbr19 Março ipaax. 2-7
  • Ireferensia sa Okumi ni Orummwa Ahu Ekaderno Enirumeeliwa Omuthukumanoni ya Março

Mpantta ola khekhanle eviidiyu.

Muniswaamihe, khivaniweryaneya orumiha eviidiyu ela.

  • Ireferensia sa Okumi ni Orummwa Ahu Ekaderno Enirumeeliwa Omuthukumanoni ya Março
  • Ireferensia sa Okumi ni Orummwa Ahu Ekaderno Enirumeeliwa Omuthukumanoni—2019
  • Miru Saamukhaani
  • 4-10 ya Março
  • MIHAKHU SINIKHUMA MBIIBILIYANI | AROMA 12-14
  • “Onitaphulela-ni Wooniherya Ophenta wa eKristau?”
  • (aRoma 12:10)
  • it-1 60 itti. 2-3
  • Oreerelana murima
  • (aRoma 12:17-19)
  • w09 15/10 8 etti. 3
  • “Mphaveleke Wiwanana N’atthu Othene”
  • w07 1/7 24-25 itti. 12-13
  • “Muhiwunlelé Ikuhu Akhw’inyu”
  • (aRoma 12:20, 21)
  • w12 1/11 31 etti. 13
  • Mulevelelaneke ni Murima Wotheene
  • Otokosa Itthu sa Efaita Soomunepani
  • (ARoma 12:1)
  • lv 63-65 itti. 5-6
  • Moota Woothanla Otthekula Wooloka
  • (aRoma 13:1)
  • w08 15/6 31 etti. 4
  • Iponto Suulupale sa Eliivuru ya aRoma
  • Omusoma Biibiliya
  • (aRoma 13:1-14)
  • 11-17 ya Março
  • MIHAKHU SINIKHUMA MBIIBILIYANI | AROMA 15-16
  • “Munwehexexeke Yehova Yoowo Onivaha Ovilela ni Nimaaliho”
  • (aRoma 15:4)
  • w17.07 11 etti. 11
  • Munleke Vamosa Naale Aninla
  • (aRoma 15:5)
  • w16.04 14 etti. 5
  • Mooniheryeke Ovilela Mookumini Mwanyu
  • (Aroma 15:13)
  • w14 15/6 14 etti. 11
  • ‘Mumphenteke Yehova Muluku Anyu’
  • Otokosa Itthu sa Efaita Soomunepani
  • (aRoma 15:27)
  • w89 1/12 24 etti. 3
  • “Wira Kónexexe Ophenta Wanyu Wari W’ekekhai”
  • (aRoma 16:25)
  • it-3 320 etti. 2
  • Osuwela Itthu sa Muhoolo Vahinatthi, Olepela Itthu Sarowa Wiiraneya Muhoolo
  • Omusoma Biibiliya
  • (aRoma 15:1-16)
  • 18-24 ya Março
  • MIHAKHU SINIKHUMA MBIIBILIYANI | 1 AKORINTO 1-3
  • “Nyuwo Mwa Mutthu a Werutthuni Wala Mwa Mutthu Oomunepani?”
  • (1 aKorinto 2:14)
  • w18.02 17 itti. 4-5
  • Ontaphulelani Okhala Mutthu Oomunepani?
  • (1 aKorinto 2:15, 16)
  • w18.02 17-18 etti. 6
  • Ontaphulelani Okhala Mutthu Oomunepani?
  • w18.02 20-21 etti. 15
  • Ontaphulelani Okhala Mutthu Oomunepani?
  • Otokosa Itthu sa Efaita Soomunepani
  • (1 aKorinto 1:20)
  • it-3 480 etti. 1
  • Osuwela
  • (1 aKorinto 2:3-5)
  • w08 15/7 27 etti. 6
  • Iponto Suulupale sa Epaphelo ya aKorinto
  • Omusoma Biibiliya
  • (1 aKorinto 1:1-17)
  • 25-31 ya Março
  • MIHAKHU SINIKHUMA MBIIBILIYANI | 1 AKORINTO 4-6
  • “Miropo [Efermento] Vakhani Sinnìpiha Otthú Wothene”
  • (1 aKorinto 5:1, 2)
  • (1 aKorinto 5:5-8)
  • (1 aKorinto 5:13)
  • it-2 116
  • Miropo [Efermento]
  • it-3 545-546
  • Satana
  • Onithoonyerya-ni omunnyererya mutthu wa “Satana, wira erutthu epweteye”?
  • (1 aKorinto 5:9-11)
  • lv 207-208
  • Moota Woomuthokorerya Mutthu Okumihiwe Mmulokoni
  • Otokosa Itthu sa Efaita Soomunepani
  • (1 aKorinto 4:9)
  • w09 15/5 24 etti. 16
  • Malaikha—“Minepa, Sinimurumela Muluku”
  • (1 aKorinto 6:3)
  • it-2 674
  • Malamulo
  • Omusoma Biibiliya
  • (1 aKorinto 6:1-14)
Ireferensia sa Okumi ni Orummwa Ahu Ekaderno Enirumeeliwa Omuthukumanoni—2019
mwbr19 Março ipaax. 2-7

Ireferensia sa Okumi ni Orummwa Ahu Ekaderno Enirumeeliwa Omuthukumanoni

4-10 ya Março

MIHAKHU SINIKHUMA MBIIBILIYANI | AROMA 12-14

“Onitaphulela-ni Wooniherya Ophenta wa eKristau?”

(aRoma 12:10)

it-1 60 itti. 2-3

Oreerelana murima

Ophentana ntoko anna (eGriki: fi·la·del·fí·a: “osiveliwa ni munna”) ohaana wooneya eriyari ya anna otheene ni arokora a mmulokoni mwa eKristau. (aRo 12:10; aHé 13:1; 1 Pe 3:8.) Tivonto waataana onikhumelela mmulokoni ohaana okhala wekeekhai, woolipa, ni woolipiha sintoko emusi ya werutthuni. Nnaamwi muloko wooniheryaka ophenta sintoko anna, atthu otheene annitumereriwa ovikaniha wuncererya opaka eyo.​—1 aTe 4:9, 10.

Nuulumo na eGriki noowi fi·ló stor·gos, nenlo nintaphulela “ophentana vanceene”, ninnirumeeliwa ohimmwaka ophenta wekeekhai onooneya eriyari ya atthu anli aatanne aahiiso alimalelanne vanceene. Nuulumo nla nookhalana sootaphulela sinceene. Yootaphulela emosa-emosa ya nuulumo nla stér·go, ennirumeeliwa vanceene ohimmwaka ophenta onikhuma vamurimani aahiiso wa ephattu, onooneya eriyari ya atthu a emusi emosaru. Murummwa Paulo aahaatumererya maKristau okhalana mukhalelo owo. (aRo 12:10) Yena aahihimya-tho wira mahiku ookiserya yaamukhumelela atthu “óhiphenta” (eGriki: á·stor·goi) oophwanelela okhwa.​—2 Ti 3:3; aRo 1:31, 32.

(aRoma 12:17-19)

w09 15/10 8 etti. 3

“Mphaveleke Wiwanana N’atthu Othene”

3 Mmusome aRoma 12:17. Paulo aahitthokiherya wira okathi nniireliwa ahu itthu soohixariya nihaana osyaka wunla ikuhu. Wiiwelela miruku iyo onnikumiherya mireerelo, vanceenexa imusi seiye atthu aneettela aya itiini soovirikana. Mulopwana oothela wala muthiyana ootheliwa onimurumeela Yehova, ohaana okhootta yooweeha ya waakhula moohikhalela wala ni moolumo oowereya okathi onitthekeliwa awe. Tthiri khuuvo okathi mutthu oneemereriwa awe wunla ikuhu. Ohiya-vo, mweettelo owo pooti otepiha mulattu.

w07 1/7 24-25 itti. 12-13

“Muhiwunlelé Ikuhu Akhw’inyu”

12 Miruku sikina Paulo aavanhe awe voohimya sa moota wowaathokorerya atthu oowaamini ni oohaamini tiiya: “Muhiwunlelé Ikuhu Akhw’inyu”. Miruku iya sinnivarihana vanceene ni moolumo aalavunle awe khalai ene, oowi: “Mutthyaweke sotakhala”. Masi mutthu oniwerya sai ohimya wira onnitthyawa itthu sootakhala wala otakhala masi okathi omosaru orumeelaka otakhala wira owunlele ikuhu akhwaawe? Opaka eyo khiwaarowa ovarihanaka ni yooruma ya ‘ophenta wekeekhai’. Nuumala-vo Paulo aahihimya so: “Muhaweleke wira sorera oholo w’atthu othene”. (ARoma 12:9, 17) Nneettela sai moolumo ala?

13 Okathi Paulo aalepenle awe epaphelo maKristau a oKorinto, aahiromola olupatthiwa waaphwanya arummwa. Aahimmye so: “Hiyo nothonyeriwa ntoko atthu òveheya oholo w’olumwenku n’uholo wa malaikha n’uholo w’atthu. . . . Naruwaniwaka, nnàkhula ni molumo òrera: nalupatthiwaka, ninnilipa. Nòtheriwaka, nnàkhula molumo òpatthani”. (1 aKorinto 4:9-13) Moolikanasa, olumwenku ola, onnaathokorerya maKristau eekeekhai sintoko atthu ooveeheya. Okathi atthu awo aniweha aya mweettelo ahu wooloka nnaamwi enithokoreryaka moohixariya, eyo waaniheryasa pooti owiiriha weemya ihapari ninlaleya ahu.​—1 Pedru 2:12.

(aRoma 12:20, 21)

w12 1/11 31 etti. 13

Mulevelelaneke ni Murima Wotheene

13 Ikwaha sikina nyuwo ntoko muKristau onttittimiha malamulo eeKristau, pooti ophavelaka omukhaliherya mutthu oopakenleni etthu yoohiloka. Murummwa Paulo aahilepa wira: ‘Mwamphwanyá nwanan’inyu onvoliwa etala, munvahe yolya; avoliwa ntthona, munvahe màsi. Mwiraka siso, munùkela makhala a moro vamuru vawe. Muhìhiyé muxinttiwaka ni sotakhala, masi muxintte sotakhala mwiraka sorera’. (aRom. 12:20, 21) Oreera wanyu murima, okathi onipaciwa anyu, onoovukula mikhalelo soohiloka mwaawiirelaka sooloka akhwiinyu. Okhala oowiiwexexa, ni waareerela murima akina, wala owoonela othunku ale aniirenle etthu yoohiloka, pooti owiiriha wiixutta masu eekeekhai a Biibiliya. Moohicikha etthu eniiraneya, naapixaka murima, nnoowooniherya atthu mweettelo ahu wooloka.​—1 Ped. 2:12; 3:16.

Otokosa Itthu sa Efaita Soomunepani

(ARoma 12:1)

lv 63-65 itti. 5-6

Moota Woothanla Otthekula Wooloka

5 Khuta etthu enipaka ahu ennivara omurumeela wahu Yehova. Mwa epaphelo aalepenle awe aRoma, Paulo aahirumeela moolumo yaarina yootaphulela yuulupale, aatumereryaka anna ale woona otthuneya waya weettela ekeekhai. Owo aahimyale so: ‘Nvahererye irutthu sanyu wa Muluku, ntoko mukuttho mukumi ni worerihiwa ni womusivela Muluku’. (aRoma 12:1) Irutthu sanyu sinihela muhina muupuwelo, murima, ni ikuru sanyu. Nyuwo munnivarela muteko itthu iyo sotheene wira mmurumeele Muluku. (Marko 12:30) Paulo onihimya wira omurumeela Muluku ni murima wotheene onlikana ni ovaha mukuttho. Nuulumo noowi mukuttho nookhalana yootaphulela yuulupale. Mwa Nlamulo na Moise, Muluku khoona oreera mukuttho woohiloka. (Onamukuttho 22:18-20) Vamosaru, akhala wira maKristau animurumeela Muluku ni murima woohiloka, mukuttho aya khonrowa okhala wooreera wa Muluku. Moota xeeni?

6 Paulo aahaalopola maKristau ooRoma oriki: ‘Tivo. . . . muhihiyeʹ hata etthu y’erutthu anyu erumelaka etampi, evaraka miteko s’etampi’. Nave-tho, Paulo aahihimya wira ‘muxintte makhalelo anyu awo òtakhala’. (aRoma 6:12-14;8:13) Mwa epaphelo awe yoopacerya, aahihimya matakiheryo a ‘makhalelo awo òtakhala a erutthu’. Voohimya sa apinaatamu oottheka, hiyo ninsoma so: “Mwano mwaya mosareya okhwiri”. Metto saya siri ‘solikanene omwarexa ephome y’atthu’. “Awo anetta ehimovaka Muluku” mmaithoni mwaya. (aRoma 3:13-18) MuKristau pooti ohonona erutthu awe akhala wira onirumeela ipantta sa ‘erutthu’ awe wira opakeke itthu satampi. Mwa ntakiheryo, akhala wira moolakelela muKristau olelo-va oniweha itthu soohiloka ntoko epornografia aahiiso ifilme sa ikhotto, mutthu owo ‘onirumela maitho awe wira ovareke miteko s’etampi’; vano eyo ennimwiiriha ohonona erutthu awe yotheene. Okokhorela wa mutthu owo onrowa okhala mukuttho woohiloka ni ohineemereriwa ni Muluku. (Otumererya 15: 21; 1 Pedru 1:14-16; 2 Pedru 3:11) Tthiri mutthu owo onoophwanya maxakha manceene mwaha wa matthekulelo awo oohiloka!

(aRoma 13:1)

w08 15/6 31 etti. 4

Iponto Suulupale sa Eliivuru ya aRoma

13:1—Mwa enamuna xeeni makhulupale a elapo ‘akhalihiwe aya ni Muluku’? Makhulupale aneettiha elapo ‘akhalihiwe ni Muluku’ mwaha woowi Muluku toniweemererya olamulela, nave ikwaha sikina olamulelo aya aahiiso okhulupale waahileiheriwa ni Muluku. Eyo ennooneya ni ele Biibiliya aaleihenrye awe voohimya sa nummuru na anamalamulela.

Omusoma Biibiliya

(aRoma 13:1-14)

11-17 ya Março

MIHAKHU SINIKHUMA MBIIBILIYANI | AROMA 15-16

“Munwehexexeke Yehova Yoowo Onivaha Ovilela ni Nimaaliho”

(aRoma 15:4)

w17.07 11 etti. 11

Munleke Vamosa Naale Aninla

11 Oriipiwa murima ni wunla wa Yesu okathi Laazaro aakhwiiye awe, onninimaaliha vanceene. Nto eyo ehinitikiniheke maana “sothene silempwe khalai, silepeliwe wira nixuttihiwe, wira niphwanyé ororomela, nilipihiwaka ni nthiti, nihakalalihiwaka ni Solempwa sa Muluku”. (aRoma 15:4) Akhala wira mookhweliwa, soolepa sinittharelana pooti woomaalihani:

▪ “Apwiya ankhala vakhiviru n’ale òtemwa: anniwòpola alipa-òwojeya”.​—Esal. 34:19, 20.

▪ “Ovelavela n’uxanka wahìniha murim’aka: vano nyuwo [Yehova] mokihakalaliha, khukitteliha murima”.—Esal. 94:19.

▪ “Pwiy’ahu Yesu Kristu mmansawe, ni Muluku Tith’ihu oniphentale, yowo onivanhe eparakha y’ohakalalihiwa wohimala n’uroromela wulupale, awo yotteliheni murima, yolipiheni”.​—2 aTes. 2:16, 17.

(aRoma 15:5)

w16.04 14 etti. 5

Mooniheryeke Ovilela Mookumini Mwanyu

5 Munvekeleke ikuru Yehova. Yehova ti Muluku “onvaha nthiti [ovilela] n’uhakalala”. (aRom. 15:5) Owo paahi tonisuwela oratteene mukhalelo ahu ni muupuwelo ahu. Tivonto, onnisuwela etthu ennikhaliherya wira niweryeke ovilela. Biibiliya onihimya so: “Apwiya annavaha simphavelaya ale anattittimiha: anniwiriyana okhuwela waya, khuwòpola”. (Esal. 145:19) Muluku onrowa waakhula sai nivekelo nahu wira onivahe ikuru soowerya ovilela?

(Aroma 15:13)

w14 15/6 14 etti. 11

‘Mumphenteke Yehova Muluku Anyu’

11 Yehova ‘onninivaha nlipelelo, nenlo ninnisarya otteliwa murima ni murettele’. (aRom. 15:13) Nlipelelo ninvahiwa ahu ni Yehova, ninninikhaliherya oxintta sooweeha. MaKristau oowoottihiwa yaawo anrowa okhala ‘òroromeleya mpakha okhwa, anotthuveliwa ni ekumi wirimu’. (Wis. 2:10) Ale anirowa ovikaniha okhala oororomeleya animwaakhela mareeliho ahinimala mParayiisu olumwenku wotheene. (Luka 23:43) Nooneleke sai sooleiheriwa iyo? Khannisareya ohakalala, murettele ni omphenta Muluku yoowo onnivaha “sovahiwa sothene sorera”?​—Yak. 1:17.

Otokosa Itthu sa Efaita Soomunepani

(aRoma 15:27)

w89 1/12 24 etti. 3

“Wira Kónexexe Ophenta Wanyu Wari W’ekekhai”

Moohaanyiherya maKristau Amalapo yaahaakhaliherya akhwaaya. Ohiya-vo, awo ‘yaahaakophela’ maKristau ooYerusalemu. Amalapo khahiyo ti yaapacenrye wiiwa ihapari sooreera oYerusalemu? Paulo aahimmye so: “Yaahoona oreera wiira siiso, nave veekeekhai atthu anlokihiwa n’atthu ooreera murima a oYerusalemu. Tivo vakhala wira amalapo awo ahiira mpantta wa sooreera sa muroohoni s’aYuta nave-tho ahaana waarumeela aYuta ni mireerelo saya”.​—aRoma 15:27, Waataana wa Naanaano.

(aRoma 16:25)

it-3 320 etti. 2

Osuwela Itthu sa Muhoolo Vahinatthi, Olepela Itthu Sarowa Wiiraneya Muhoolo

Mesiya aahiiso Kristu, aarowa okhala Mmiso wala osuulu waaleiheriwe, yoowo waarowa waakhaliherya atthu oowaamini a maloko otheene a mulaponi oreelihiwa. (aGa 3:8, 14) Osuulu owo aapacenrye oromoliwa nuumala omwareeliwa Muluku oJardim ya wEdeni, masi ohinatthi oyariwa Abeli. (Map 3:15) Eyo yiiraneyale sihalaka iyaakha 4.000 wira ehimmwe ‘esiiri yaavithiwe’ orweela wa wooniheriwa wookhweya wa ‘osulu wa omesiya’.​—aRo 16:25-27; aÉf 1:8-10; 3:4-11.

Omusoma Biibiliya

(aRoma 15:1-16)

18-24 ya Março

MIHAKHU SINIKHUMA MBIIBILIYANI | 1 AKORINTO 1-3

“Nyuwo Mwa Mutthu a Werutthuni Wala Mwa Mutthu Oomunepani?”

(1 aKorinto 2:14)

w18.02 17 itti. 4-5

Ontaphulelani Okhala Mutthu Oomunepani?

4 Mutthu oneettihiwa ni erutthu awe onuupuwela sai? Owo onnitakiha olumwenku ola wa nrima. Murummwa Paulo aahihimya mweettelo owo okhala “munepa yowo oniwettiha vano ale ahinimwiwelela Muluku”. (aÉfeso 2:2) Munepa owo onniwiiriha atthu anceene otakiha mweettelo wa atthu akina. Awo anivara itthu seiyo sinaasivela, moohicalela malamulo a Muluku. Atthu aneettihiwa ni erutthu aya, anuupuwelela itthu sa werutthuni, ovuwa, musurukhu, ni annoona idireitu saya okhala sootepa otthuneya ovikana itthu sotheene.

5 Mutthu oneettihiwa ni erutthu awe omusivela opaka itthu Biibiliya onihimya awe okhala ‘makhalelo otakhala’. (aGalasia 5:19-21) Epaphelo yoopacerya ya murummwa Paulo aalepenle awe maKristau a oKorinto, aahiromola itthu sikina anipaka aya atthu yaale aneettihiwa ni erutthu aya. Awo anninyakulihana, okumiherya okawanyeya, waatumererya akhwaaya okhala anammwareya, oroihana omilattuni, khanttittimiha okhulupale, annithokorerya eyoolya ni eviinyu okhala etthu yootepa otthuneya mookumini mwaya. Awo khanikhootta okathi aneehereriwa aya opaka itthu soohiloka. (Miruku 7:21, 22) Yuda aahimmye wira atthu aneettihiwa ni erutthu aya anniyeleela munepa wa Yehova.​—Yuda 18, 19.

(1 aKorinto 2:15, 16)

w18.02 17-18 etti. 6

Ontaphulelani Okhala Mutthu Oomunepani?

6 Moovirikana ni mutthu oneettihiwa ni erutthu awe, mutthu oomunepani onnivaha efaita waataana wawe ni Muluku. Mutthu oomunepani onneemya weettihiwa ni munepa wootteela wa Muluku ni onnimutakiha Yehova. (aÉfeso 5:1) Owo onnimananiha wiixutta muupuwelo ni moonelo wa Yehova. Owo onnimukupali Muluku vamosa ni malamulo awe. Moovirikana ni mutthu oneettihiwa ni erutthu awe, mutthu oomunepani onnittittimiha malamulo a Yehova ni onneettela mahiku otheene. (Esalimo. 119:33; 143:10) Owo ‘khonettihiwa ni makhalelo otakhala’ ni onnimananiha opaka itthu eettihiwaka ni munepa wootteela. (aGalasia 5:22, 23) Wira nisuwele ele entaphulela aya okhalana muupuwelo wa omunepani, nrowe nuupuwele nlikanyiho nla: Mutthu oomusuwela nakoso oniiriwa mulipa-a-nakoso, nto moolikana, mutthu onivaha efaita omukokhorela wawe Muluku onnihimmwa okhala mutthu orina muupuwelo womunepani.

w18.02 20-21 etti. 15

Ontaphulelani Okhala Mutthu Oomunepani?

15 Ninrowa omutakiha sai Kristu? AKorinto oopacerya 2:16 onihimya wira nookhalana “ankhili a Kristu”. AFilipi 15:5 onninuupuxerya wira nihaana okhalana “mupuwelo mmosaru, yowo orinawe Kristu”. Wira nilikaneke ni Kristu nihaana wiixutta moota owo onuupuwela awe, ni miteko sawe. Yesu aanithokorerya waataana wawe ni Muluku okhala wootthuneya ovikana itthu sotheene. Nto omutakiha Yesu khahiyo paahi onnikhaliherya omusiveliha Yehova. Ti maana aya vanitthuneya aya wuupuwelela itthu sintoko Yesu iira awe.

Otokosa Itthu sa Efaita Soomunepani

(1 aKorinto 1:20)

it-3 480 etti. 1

Osuwela

Atthu a molumwenkuni mwaha wa osuwela waya, aakhootta ntoko etthu yoololo, yoovaha enikhuma wa Muluku orweela wa Yesu Kristu; anamalamulela aya, nnaamwi yaari a miruku ni yaasuwela weettiherya ni olamula itthu, ‘yahimukhomela vamwirini Pwiya ovuwa’. (1 aKor 1:18; 2:7, 8) Masi Muluku aahooniherya wira miruku sa asuweli a olumwenku ti soololo, aahiwuulihiha muru vaavo aarumenle awe itthu atthu awo yoona aya okhala ‘soohikhala muteko’, ni ‘sothanyiwa’, wira aakhwaniherye yoolakela Awe yuulupale. (1 aKor 1:19-28) Paulo aahiwuupuxerya maKristau wira “osuwela w’atthu a vathí-va, nnákhala w’atthu òwerya anruma mulaponi” khahiyo etthu. Nto osuwela iwo khiwiirela mpantta ihapari sa omunepani sa murummwa Paulo aahimya awe. (1 aKor 2:6, 13) Owo aahaalopola maKristau a oKolosi wira ehootothiwe ni ‘miruku soowootha, ntoko solema [ifilosofia: ophenta osuwela] s’atthu attharihelaka ikhalelo s’elapo’.​—aKol 2:8, WN; mulikanyiherye ni iversiikulu 20-23.

(1 aKorinto 2:3-5)

w08 15/7 27 etti. 6

Iponto Suulupale sa Epaphelo ya aKorinto

2:3-5. Vaavo aalaleya awe oKorinto, epooma yuulupale saasommwa ifilosofia ni sowiixuttiha sa eGriki, Paulo waanyiheryasa aahiikoha akhala wira anwerya orukunuxa miyuupuwelo sa atthu yanwiriyana. Masi yena kheemerenrye wira khula yootteettheya wala woova omooceelihe ovara muteko woolaleerya aaroromeliwe awe ni Muluku. Moolikanasa, niheemererye wira mixankiho sa khula nihiku, sinooceelihe olaleya ihapari sooreera sa Omwene wa Muluku. Moororomela nihaana onvekela Yehova nikhaliheryo, sintoko iirale awe Paulo.

Omusoma Biibiliya

(1 aKorinto 1:1-17)

25-31 ya Março

MIHAKHU SINIKHUMA MBIIBILIYANI | 1 AKORINTO 4-6

“Miropo [Efermento] Vakhani Sinnìpiha Otthú Wothene”

(1 aKorinto 5:1, 2)

(1 aKorinto 5:5-8)

(1 aKorinto 5:13)

it-2 116

Miropo [Efermento]

Murummwa Paulo aahirumeela nlikanyiho nimosaru vaavo aarumme awe maKristau a muloko wa oKorinto omukumiha mmulokoni mulopwana mmosa namararuwa, Paulo ahimmye so: “Wittottopa wanyu khorerenle. Khamunsuwela wira miropo [efermento] vakhani sinnìpiha otthú wothene? Vano, murihe miropo iyo sa khalayi, wira mukhalé ntoko otthú worera wa nanano, mana muri ephau ehiheliwe miropo. Tthiri Kristu òhitiwa, ntoko epwittipwitthi ya Pásik’ahu”. Nuumala-vo, Paulo aahooniherya etthu aaphavela awe ohimya ni nuulumo noowi “miropo” aahiiso efermento. “Tivó nittapeleke nira na Pásika, n’iphau ehiheliwe miropo, eri ethonyeryo y’ohittheka ni y’ekekhai”. (1 aKor 5:6-8) Paulo aahirumeela yootaphulela ya ithoonyeryo sa Niira na aYuda na Paasikha a Iphaau Soohiheliwa Miropo wala efermento, nenlo naapakiwa nuumala Paasikha. Sintoko otthu vakhaani woweetheiwa wooheliwa miropo oniipiha aya otthu wotheene, muloko wa eKristau sintoko erutthu, khiwaarowa okhala woowaarya mwa moonelo wa Yehova, vakhala wira khiwaarowa omala-maliha mweettelo owo woohiloka. Sintoko aIsarayeli yaakhoottiheriwa aya okhalana efermento wala miropo owannyaya, okathi wa Paasikha, nave muloko waahaana okumiha miropo eriyari aya.

it-3 545-546

Satana

Onithoonyerya-ni omunnyererya mutthu wa “Satana, wira erutthu epweteye”?

Vaavo aaleela awe axitokweene a muloko wa oKorinto voohimya sa etthu yomwiiriha munna a mmulokoni yoowo mootakhala aararunwe ni mwaara a tiithi awe, murummwa Paulo alempe so: “Mmunnyererye mulopwan’owo Satana, wira erutthu epweteye”. (1 aKor 5:5) Eyo yaari yooruma ya omoomola mulopwana owo mmulokoni, wira ohiye waataana ni muloko wotheene. (1 aKor 5:13) Omunnyererya mutthu Satana wammwiiriha mutthu owo okhuma mmulokoni ni okhala moolumwenkuni memmo Satana onilamulela awe ntoko muluku. Mulopwana owo onlikana ni “miropo” wala efermento vakhaani ya ‘mootthuni’ yaathoonyerya “erutthu”, aahiiso muloko wa oKristau. Mwaha wa orupa ni mwaara a tiithi awe, muloko waarina muupuwelo wa omunepani, khiiwaarowa weemererya waataana ni mutthu owo, eyo enlikana ni opwetexa “erutthu” yootakhala yaari mmulokoni mwa eKristau. (1 aKor 5:6,7) Moolikanasa, Paulo aahimunnyererya wala onvahererya wa Satana Himeneyo ni Alexandre, mwaha woowi awo yaahihiya weettela waamini ni yowuupuxerya ya murima yooloka, ni waamini waya waahihononeya.​—1 Ti 1:20.

(1 aKorinto 5:9-11)

lv 207-208

Moota Woomuthokorerya Mutthu Okumihiwe Mmulokoni

Niireke wira ti vootthuneya tthiri osyaka moomalela wataana naale akumihiwe mmulokoni? Aayo, mwaha wa mathowa ala manceene anittharelana. Nthowa noopacerya: opaka eyo ethoonyeryo yoowi ninniroromeleya wa Muluku ni ninniiwelela Nuulumo nawe. Ninnimwiiwelela Yehova ohiya paahi okathi itthu vanikhweya aya, masi-tho okathi itthu sinivila aya. Omphenta Muluku tonniiriha wiiwelela sooruma sawe sotheene, nisuwelaka wira tthiri owo ta xariya, toophenta ni wira malamulo awe anninikumiherya mureerelo muulupalexa. (Yesaya 48:17; 1 Yohani 5:3) Nthowa na nenli: okumihiwa mmulokoni mutthu yoole otthenke ni ohinttharuwa, onninaakiherya mmukhalelo womunepani ni mweettelo ahu, nave-tho muloko onnivikaniha okhalana nsina nooloka. (1 aKorinto 5:6, 7) Nthowa na neeraru: wiiwelela wahu moomalela malakiheryo a Biibiliya, pooti-tho waakhaliherya ale akumihiwe mmulokoni. Okhaliherya yoothanla ya ekomisau ya ophukela, pooti omukhaliherya ole otthenke, yoowo wanipacerya ahiiwelenle nikhaliheryo axitokweene yanvanhe aya. Mwaha woowi vano khorina apatthani a mmulokoni, pooti omukhaliherya ‘wu‵puwelela’ saana, ni oweha wira etthu opanke awe khelonke, ni wiimananiha wira omuhokolowele Yehova.​—Luka 15:17.

Otokosa Itthu sa Efaita Soomunepani

(1 aKorinto 4:9)

w09 15/5 24 etti. 16

Malaikha—“Minepa, Sinimurumela Muluku”

16 Okathi maKristau anlupatthiwa aya annipakeya atthu ooveheya ‘oholo wa malaikha’. (1 aKor. 4:9) Malaikha anniweha moohakalala miteko sahu soororomeleya, nave annitteeliwa murima okathi natampi onrukunuxa awe murima. (Luka 15:10) Malaikha anniweha mweettelo wooreera wa athiyana maKristau oowaamini. Biibiliya onooniherya wira muthiyana ohaana “owara mmuruni nlepa n’omwiwelela iy’awe, mwaha wa malaikha”. (1 aKor. 11:3, 10) Aayo, malaikha annitthapa vaavo anaaweha aya athiyana maKristau ni arumeyi akina a Yehova valaponi, epakaka itthu moovarihana ni malakiheryo a Muluku. Wiiwelela iwo, yowuupuxerya yuulupale aniroiheliwa aya anamwane a Muluku oomunepani.

(1 aKorinto 6:3)

it-2 674

Malamulo

Malamulo Yaavahiwe Malaikha. Malaikha, yaawo ari oottittimiheya vanceene waavikana apinaatamu, anniiwelela malamulo ni sooruma sa Muluku. (aHé 1:7, 14; Esa 104:4) Yehova aahinvaha malakiheryo ni omukhoottiherya itthu sikina nwanani awe, Satana. (Yob 1:12; 2:6) Mikhayeli Arkanxo aanisuwela ni aanittittimiha okhulupale wa Yehova yoowo ori Namaphuka Muulupale, vaavo aamuhimenrye awe Diabo wira: “Muluku òhukhumuni!” Yesu Kristu oororomeliwa ni Yehova Muluku okhala mukhulupale a malaikha ootheene. (aHé 1:6; 1 Pe 3:22; Mat 13:41; 25:31; aFi 2:9-11) Yesu aahiruma nlaikha omuroihela muhupi Yohani. (Wis 1:1) Hata vari siiso yoolepa ya 1 aKorinto 6:3, murummwa Paulo aahaahimya axinnawe Kristu oomunepani okhala atthu yaathanleliwe ophukela malaikha, waaniheryasa mwaha woowi awo anoomukhaliherya Muluku ophukela malaikha ootakhala.

Omusoma Biibiliya

(1 aKorinto 6:1-14)

    Watchtower EBIBILIOTEKA ONLAINE (1982-2025)
    Okhuma
    Okela
    • Emakhuwa
    • Ovaha
    • Siniphavela Anyu
    • Copyright © 2025 Watch Tower Bible and Tract Society of Pennsylvania
    • Malamulo Oorumeela
    • Mwaha Woosuka Isiiri
    • Privacy Settings
    • JW.ORG
    • Okela
    Ovaha