WAAKHULIWA WA MAKOHO A MBIIBILIYANI

Niireke ohaawa onoomala molumwenkuni?

Khuta mwaakha imilyau sinceene sa atthu annookhwa mwaha wa iretta ni ohilya saana. Nnaamwi ilapo sikina siryeene soothaaciri atthu anceene molumwenkuni annivikaniha ohaawa mootepana. Biibiliya onnooniherya wira osikhini ti muxankiho opacenrye khalai.​—Mmusome Yohani 12:8.

Wira omale ohaawa, ennitthuneya eguvernu ya olumwenku wotheene. Eguvernu eyo ehaana owerya okawa itthu sa valaponi mwa ni xariya ni omaliha ikhotto, seiyo sinikumiherya osikhini. Muluku ooleiherya okumiherya eguvernu ya olumwenku wotheene.​—Mmusome Daniyeli 2:44.

Ti pani onrowa omaliha ohaawa?

Muluku oomuthanla Mwanawe, Yesu, wira alamuleleke apinaatamu otheene. (Esalimo 2:4-8) Yesu onoowoopola amasikhini ni omaliha ohaaxana, ni otakhala wotheene.​—Musome Esalimo 72:8, 12-14.

Ntoko sileiheriwe aya, “Mwene a Murettele”, Yesu, onooruuha murettele ni omaaleleya. Nto atthu otheene anookhalana ipa saya, ovara muteko woohakalaliha, ni okhalana yoolya yinceene.​—Mmusome Yesaya 9:5, 6; 65:21-23.

Wira musuwele soohimmwa sikina, muwehe muru 8 wa eliivuru ela, yoolaleiwa ni Anamoona a Yehova

Enniphwanyaneya-tho va www.jw.org/vmw