Erissuwaa

HAGEE tumu taariketa oyqqida maxaafa. Taariketi ekettidoy alamiyan deꞌiya ayba maxaafatuppekka nashshettida, Geeshsha Maxaafaappe. Ha taariketi Xoossay medhdhiyoogaa doommoosappe hanno gakkanaashin alamiyan hanettidabata yootoosona. Eti ubba, Xoossay wodeppe oottanaayyo qaalaa gelidobatakka yootoosona.

Ha maxaafay, Geeshsha Maxaafan deꞌiya kumetta qofay aybakko qonccissees. Etabaynne eti oottidobay Geeshsha Maxaafan xaafettido asatubaa yootees. I, gannate biittan asay merinau deꞌanaadan Xoossay giigissido gita hidootaabaakka erissees.

Ha maxaafan 116n taariketi deꞌoosona. He taariketi hosppunan shaahettidosona. SHaahotu ubbaayyo doomettan deꞌiya issi sinttay, he shaahuwaa giddon deꞌiyabaa qanttan yootees. Taariketi xaafettidoy polettido wodiyaa maaraadaana. Hegee, issi hanettidabay hara taarikiyaara gatti xeelliyo wode, aude polettidaakko eranau nena maaddees.

Taariketi wayssenna qaalan xaafettidosona. Yelagatoo, intte giddoppe daroti ha taariketa intte huuphe nabbabana danddayeeta. Yelidaageetoo, ha taariketa intte guutta naatussi intte zaari zaari nabbabiyo wode, eti ufayttiyoogaa akeekana danddayeeta. Ha maxaafay yelagata gidin, cimatakka gidin daro ufayssiyaaba oyqqidoogaa beꞌana danddayeeta.

Ubba taariketu wurssettan Geshsha Maxaafaa xiqiseti deꞌoosona. Taariketi baasettido Geeshsha Maxaafaa kifileta nabbabanaadan inttena minttettoos. Issi taarikiyaa tamaari wurssoogaappe guyyiyan, he taarikiyau giigida oyshata, Taarikiyaa 116ppe guyye baggan beꞌidi zaaruwaa immanau malite.