“Hagee Merinaa De7o”

“Asai nena issi Xoossaa gididaagaa erana malanne, qassi neeni kiittido Yesuus Kiristtoosa erana mala, hagee merinaa de7o.”—YOH. 17:3.

ERAY shemppuwaa ashshana danddayees. Tammu agina naꞌay Nuhu sahettido wode, Nijeere biittan payyatettaara gayttidaagan oottiya a aayyiyaa oottana koshshiyaabaa eraasu. A sukkaariyaa, maxiniyaanne geeshsha haattaa walakkada naꞌaa bollaappe kiyidabaa kunttiyaabaa giigissaasu. Yunisef giyo dirijjitee yootiyoogaadan, a ‘sohuwaara koshshiyaabaa oottido gishshaunne payyatettaara gayttidabaa oottiyaaro gidiyo gishshau, i naꞌay sohuwaara paxiis.’

Geeshsha Maxaafaappe demmiyo eraykka shemppuwaa ashshana danddayees. Geeshsha Maxaafaa xaafidaageetuppe koyroy Muusee, “Ha qaalai intteyyo de7oppe attin, coo mela qaala gidenna. Ha qaalaa naagikko, intte . . . adussa laittaa de7ana” yaagiis.” (Zaa. 32:47) Geeshsha Maxaafay tumuppe nu bariyaa adussana danddayii? I nuussi deꞌo gidiyoy ayba ogiyaanee?

Ammanttiya hiraagaa, taarikiyaaranne saynisiyaara gayttidaagan tumaa, issoy issuwaara moggiya qofaanne goꞌꞌiya zoriyaa yootiyoogan, Geeshsha Maxaafaa mala maxaafi baynnaagaa hagaappe kasetiya ichashu huuphe yohotun beꞌida. Hagee Geeshsha Maxaafay dumma maxaafa gidiyoogaa bessees. Hegaa gishshau, i adussa layttaa deꞌiyo ogiyaabaa, giishin merinaa deꞌuwaabaa yootiyo wode, hegaa loyttidi qoppana koshshennee?

Geeshsha Maxaafaa suure eraa demmiyoogee ha wodiyan sarotettaa, qassi sinttappe ufayssaa waati demissiyaakko eranaadan nena minttettoos. Neeni he eraa waata demmanaakko bessanau Yihoowa Markkati ufayttoosona.

[Sinttaa 9n deꞌiya misiliyaa qonccissuwaa]

Geeshsha Maxaafay nuuni oychiyo kaallidi deꞌiya oyshatussi aliya zaaruwaa yootiyay a xalla gidiyo gishshaukka dumma:

• Nuuni merettidoy aybissee?

• Tuggay hagaa keeni daridoy aybissee?

• Taani siiqiyo hayqqidaageetussi hidooti deꞌii?

Geeshsha Maxaafay ha oyshatuyyo yootiyo zaaruwaa Yihoowa Markkati attamissido ha maxaafan demmana danddayaasa. Tumuppe Geehsha Maxaafay Tamaarissiyoy Aybee?