Ha Wodiyankka Goꞌꞌees

“Ne qaalai ta gediyaassi xomppe, ta ogiyaassikka poo7o.”—MAZ. 119:105.

GEESHSHA MAXAAFAY DUMMA GIDIDOY AYBA OGIYAANEE? Issi issi maxaafata asay loꞌꞌo xuufedan xeellana danddayees, shin he maxaafati deꞌuwau kaaleto gidiyaabaa yootokkona. Ha wodiyan, issibaa waati goꞌettanaakko yootiya xuufeta ubbatoo giigissana koshshees. Hegaappe dumma ogiyan, Geeshsha Maxaafay, “Xoossaa maxaafan xaafettida ubbabai nuna tamaarissanau xaafettiis” yaagees.—Roo. 15:4.

LEEMISUWAA: Geeshsha Maxaafay akkamuwau kaaletuwaa yootiyaaba gidana xayikkokka, payyatettaa xeelliyaagan loꞌꞌo zoriyaa yootees. Leemisuwau, “Woppu giida wozanai bollaa payya wottees” yaagees. (Lee. 14:30) Qassikka Geeshsha Maxaafay, “SHaahettanau koyiya asi ba amuwaa kaallees; lo77o era ubbaakka phalqqees” yaagees. (Lee. 18:1) Qassi, “ekkiyaagaappe immiyaagee anjjettidaagaa” gidiyoogaa yootees.—Oos. 20:35.

ERANCHATI QONCCISSIDOBAA: Woppu giida wozanay, haratussi mata lagge gidiyoogeenne kehatettay payyatettau maaddana danddayees. Zi Jornal of zi Amerikan Medikal Asoosiyeshin giyo maxeetee, “Hanqquwaa suulliya asati guuggiyan suuttay meqqiyo harggiyan oyqettiyo hanotay, hanqquwaa mittiyaageetuugaappe naaꞌꞌu kushe darees” yaagees. Awusttiraaliyaa biittan tammu layttaa xannaꞌidobay bessiyoogaadan, “laggetuuranne ulobaa yootana danddayiyo asatuura darotoo gayttiya” cima asatu baree haratuugaappe aduqqees. “Issi uri miishshaa baayyo goꞌettiyoogaappe haratuyyo immiyoogee i keehi ufayttanaadan oottiyoogaa,” Kanaadanne Amarkkaa biittan deꞌiya pilggiyaageeti 2008n akeekidosona.

NE QOFAY AYBEE? Akkamuwaa xeelliyaagan 2,000 gidiya layttappe kase xaafettida hara ay maxaafinne yootiyoobaa ammanuutii? Woy qassi Geeshsha Maxaafay dummee?

[Sinttaa 8n deꞌiya misiliyaa qonccissuwaa]

“Geeshsha Maxaafay akkamuwaara gayttidaagan keehi loꞌꞌo zoriyaa zoriyo gishshau, . . . i tana keehi ufayssees.”

—HAWARD KELI, M.D., ZI JONS HOPKINS YUNIVERSITI ISKUL OF MEDISIN GIYO FAKALTTIYAA ESSIDAAGEETUPPE ISSUWAA