Ha Wodiyaa Deꞌuwawu Maaddiya Beni Maxaafaa
Haymaanootiyaaban Geeshsha Maxaafawu deꞌiya xoqqa sohuwaa gishshawu daro asay A bonchchees. Gidoppe attin, Geeshsha Maxaafay haymaanootiyaabaa kaaleto xallaa yootenna. I zoriyoobay deꞌuwan ubba galla maaddees.
Issoti issoti Geeshsha Maxaafaa nabbabiyoogaaninne A zoriyaa bantta deꞌuwan oosuwan peeshshiyoogan waani goꞌettidaakko akeeka.
“Ta deꞌoy keehi giiga gidiis. Ta qoppiyoobaynne tawu siyettiyaabay kaseegaappe loꞌꞌiis. Taani ufayttays.”—Fiyono.
“Taani Geeshsha Maxaafaa xannaꞌiyoogan, ufayssiya loꞌꞌo deꞌuwaa deꞌays.”—Ginitko.
“Ta deꞌoy kaseegaappe daroban loꞌꞌo gidiis. Taani haꞌꞌi guutta saatiyawu oottays, qassi ta soo asaara daro wodiyaa aattays.”—Andriwu.
Deꞌuwan hanida hegaa malabay daroy deꞌees. Galla galla deꞌuwawu maaddiya daro kaaletoy Geeshsha Maxaafan deꞌiyoogaa kumetta alamiyan deꞌiya daro asay akeekiis.
Geeshsha Maxaafay kaalliya qofatun asaa kaseegaappe aaruwan waati maaddana danddayiyaakko ane beꞌoos.
Bollaa payyatettawu
Qofaa payyatettawu
So asaa deꞌuwawunne laggetettawu
Miishshaa Maara Goꞌettiyo Ogiyawu
Ayyaanaabawu
Geeshsha Maxaafay galla galla deꞌuwawu nena maaddana danddayiyaabay deꞌiyo, Xoossay immido maxaafa gidiyoogaa kaalliya huuphe yohoti qonccissana.