Geeshsha Maxaafay Woygii?
Xoossaa Kawotettay aybee?
ISSI ISSI ASAY hegee Xoossay asaa wozanan haariyoogaa bessees giidi qoppees; harati qassi hegee alamiyan sarotettaa ehaanawu asay oottiyooban beettiyaabadan qoppoosona. Ne qofay shin aybee?
GEESHSHA MAXAAFAY YOOTIYOOBAA
“Saluwaa Xoossai mulekka kunddenna, . . . kawotettaa essana. He eqqida kawotettai he [asaa] kawotettata ubbaa gaaceretti xaissana.” (Daaneela 2:44) Xoossaa Kawotettay tumu ayso.
GEESHSHA MAXAAFAAPPE HARABAA AY AKEEKIYOO?
Xoossaa Kawotettay saluwan deꞌiya haaro. —Maatiyoosa 10:7; Luqaasa 10:9.
Xoossay saluwaaninne saꞌan he Kawotettaa baggaara ba sheniyaa polana.—Maatiyoosa 6:10.
Xoossaa Kawotettay awude yaanee?
NE QOFAY AYBEE?
Oonikka erenna
Matan yaana
Mule yeenna
GEESHSHA MAXAAFAY YOOTIYOOBAA
“Asa ubbau markka gidana mala, kawotettaa wonggeliyaa mishiraachchoi sa7a ubban odettana; hegaappe guyyiyan, wurssettai gakkana.” (Maatiyoosa 24:14) Kawotettaa wonggeliyaa mishiraachoy sabbaketti simmin, he Kawotettay ha iita alamiyaa muleera xayssana.
GEESHSHA MAXAAFAAPPE HARABAA AY AKEEKIYOO?
Saꞌan deꞌiya ooninne Xoossaa Kawotettay yiyo wodiyaa erenna.—Maatiyoosa 24:36.
He Kawotettay mata wode yaanaagaa Geeshsha Maxaafaa hiraagay yootees.—Maatiyoosa 24:3, 7, 12.