Maxeeteta Asau Immanau Woygana Danddayettii?

Wochiyo Keelaa Ichashe 1

Doomettaabaa 2:16, 17 nabbaba. Yaatada, hagaadan ga: “Issi issi asay Addaamee nagaraa oottanaagaa Xoossay kasetidi erees gees. Harati qassi, i hegaa kaseti eriyaaba gidikko, Xoossaa azazoy bessennabaadan qoppoosona. Intte qofay shin aybee? [Zaaruwaa immanaashin takki ga.] Sinttaa 13n deꞌiya qofay Xoossay sinttanaabaa erana danddayiyo hanotaa waati goꞌettiyaakko qonccissees.”

Beegottite! Ichashe

“Issoti issoti haymaanoote ammanoy darotoo baasettiyoy naqaashan gidennan, coo qofa xallana giidi qoppoosona. Intte qofay shin aybee? [Zaaruwaa immanaashin takki ga.] Nuuni coo ammanana bessennaagaa Geeshsha Maxaafay yootees. [1 Yohaannisa 4:1 nabbaba.] Sinttaa 28n doommiya huuphe yohoy nu ammanoy mino naqaashan baasettidoogaa waati erana danddayiyaakko qonccissees.”

Wochiyo Keelaa Usuppune 1

“Maccaasaa yeddiyoogeenne azinaappe anjjettidi biyoogee ha wodiyan meeze gididaba. Hegau waanna gaasoy ayba giidi qoppeetii? [Zaaruwaa immanaashin takki ga.] Daro aqo laggeta goꞌꞌida ha zoriyaa akeekite. [1 Qoronttoosa 10:24 nabbaba.] Ha maxeetee azinatinne machoti amassalanaadan oottiya, meeze gidida usuppun yohota qonccissees; qassi Geeshsha Maxaafaa baaso siraataa oosuwan peeshshiyoogee waatidi maaddiyaakko yootees.”

Beegottite! Usuppune

“Asay kaseegaappe aaruwan shareechiyoogaa, kaayiyoogaanne hegaa malabaara gayttidabaa goꞌettiyaaba milatees. Iita ayyaana oosuwaa oottiyoogee qohennaba giidi qoppeetii? [Zaaruwaa immanaashin takki ga.] Xoossay beni Israaꞌeelatuyyo yootido akeekissuwaa qoppite. [Zaarettido Wogaa 18:10-12 nabbaba.] Geeshsha Maxaafay iita ayyaana oosuwaa xeelliyaagan woygiyaakko ha maxeetee yootees.”