Erissuwaa

◼ Asau immiyo xuufiyaa: Xiqimitan: Wochiyo Keelaanne Beegottite! maxeetiyaa. Koshshay deꞌiyoogeetuyyo, Tumaa Eranau Koyay? giya trakttiyaa immidi, Geeshsha Maxaafaa xinaatiyaa doomissanau malite; Hidaariyan: Geeshsha Maxaafaa—A Giddon Deꞌiya Waanna Qofay Aybee? Ha brooshuriyaara issippe woy a gishshaa Isiiniyaaninne Naasiyan, 2011n asau immido 32 sinttay deꞌiyo brooshuretuppe awugaanne immana danddayeeta; Tisaasiyan: Geeshsha Maxaafaa Taariketa. Ichashiyan: Tumuppe Geeshsha Maxaafay Tamaarissiyoy Aybee? Koyro gallassi xinaatiyaa doomissanau malite.

◼ Guutta Wode Dumma Aqinyeta: Ha laytti dumma haggaazo zamachaa wode, Ichashiyaappe biidi Laappuniyaa gakkanau deꞌiya aginatun guutta wodiyau dumma aqinye gididi haggaazanau danddayiya aqinyeti, cimati woy gubaaꞌiyau oottiyaageeti ubbay qitsiyaa kunttidi bantta gubaaꞌiyaa haggaazo komitiyaa baggaara kiittanaadan shoobettidosona. Hayyanintta kaallidi deꞌiyaageeta xaafite: 1) Sunttaa; 2) Yelettido gallassaa; 3) Xammaqettido gallassaa; 4) Gubaaꞌiyaa sunttaa; 5) Machida machibeennaa; 6) Neeni maaddiyo uri deꞌiya deꞌennaakko; 7) Haasayiyo qaalaa; 8) Hegaappe simmin dumma aqinye gidida oottanau koyiya koyennaakko. Gubaaꞌiyaa haggaazo komitee qitsiyaa kunttidaagaa gidaa xeelliyaagan ba qofaa xaafidi, he dabddaabbiyaa macara biiruwau kiittees; hegee Xiqimita 31, 2011 gakkana koshshees. Mishettidi haggaaziyaanne minnidi oottiya muruta oosanchata koyoos. I mishettidi sabbakii, haggaazo moottan sooppe soo biidi haggaazii? Zaareto oyshaa loyttidi oychii? Geeshsha Maxaafaa xinaateta loytti xannaꞌissii? Haratuura sarotettan oottana danddayissiyaagaa keenaa geeshsha ayyaanaa ayfiyaa ayfiyaagee? Ha geeshsha oosuwaa oottanaadan he uraa dooreetii? Intte doorennaba gidikko, a malkkachaa macara biiruwaa kiittana koshshenna. SHin intte kuushshaa au yootidi, kehatettan zorana koshshees. Nuuni kuuyi simmidi, dumma aqinye gidiyaageeta gubaaꞌiyaa baggaara erissana.

◼ Tisaase 17, 2011n doommiya saaminttaappe doommidi, gubaaꞌiyaa Geeshsha Maxaafaa Xinaatiyau goꞌettiyoy, Xoossay Tumuppe Nuussi Qoppii?, Hayqqidaageetu Ayyaanati Nena Maaddanau woy Qohanau Danddayiyoonaa? Tumu Eti Deꞌiyoonaa?, Intte Siiqiyo Asi Hayqqiyo Wode?, qassi Merinaa Deꞌuwau Efiya Ogiyaa Neeni Demmadii? giya brooshureta.

◼ ZAARETTIDI GAKKIDA XUUFETA: Amaarattuwan: Kiristtaane Giriike Geeshsha Maxaafaa Ooratta Alamiyaa Birshshettaa, Siiqiyo Uri Hayqqiyo Wode; Inggilizettuwan: Pilgganau Maaddiya Ooratta Alamiyaa Geeshsha Maxaafaa Birshshettaa (Rbi-8).