Asaa Haasayissiyoogaa Doommanau Maaddiya Qofaa

Aginan Koyro Qeeraa Gallassi Geeshsha Maxaafaa Xinaatiyaa Doomissanau

“Xoossay yootiyoobaa azazettiya asay ufayttees giidi qoppeetii? [Zaaranaashin takki ga.] Ha maxeetee issi ufayssiya qofaa yootees.” Hidaare 1 Wochiyo Keelaa keettaawau immada, sinttaa 16-17n deꞌiya sima huuphe yohuwaappe issuwaa nabbabidi issippe tobbite. Hegan deꞌiya xiqisiyaappe guuxxiis giishin issuwaa nabbabite. Maxeeteta keettaawau immite; yaatidi hegaappe kaallidi deꞌiya oyshaa tobbanau zaarettidi yiyo gallassaa keerite.

Wochiyo Keelaa Hidaare 1

“Issoti issoti Geeshsha Maxaafay asho gaytotettaabaa yootiyoobay ha wodiyau hanennabanne koshshenna higgee giidi qoppoosona. Harati qassi Geeshsha Maxaafaa qofaara maayettoosona. Intte qofay shin aybee? [Zaaranaashin takki ga.] Ha xiqisee Geeshsha Maxaafaa baaso siraataa xaafissidaagaa xeelliyaagan woygiyaakko akeekite. [2 Ximootiyoosa 3:16 nabbaba.] Asho gaytotettaa xeelliyaagan asay darotoo oychiyo tammu oyshatuyyo Geeshsha Maxaafay ayba zaaro immiyaakko ha maxeetee qonccissees. Geeshsha Maxaafaa baaso siraatay nuna goꞌꞌiyo ogiyaakka yootees.”

Beegottite! Hidaare

“Nu yuushuwan deꞌiya salo gufanttuwaanne saꞌa micetta loyttidi akeekiyaaba gidikko, medhidaagee deꞌiyoogaa qoppanaadan oottiiyye, woy ubbabay coo qaadan merettiis giidi qoppanaadan oottii? [Zaaranaashin takki ga.] Geeshsha Maxaafaa xaafidaageetuppe issoy salo gufanttuwaabaanne saꞌa micettaabaa loytti akeekido wode, hagaappe kaallidi deꞌiyaagaadan kuuyiis. [Roome 1:20 nabbaba.] Saynttistteti asaa seeliyaa xeelliyaagan akeekidobay ha allaalliyaa nuuni loyttidi eranaadan maaddiyoogaa ha maxeetee qonccissees.”