Asaa Haasayissiyoogaa Doommanau Maaddiya Qofaa

Aginan Koyro Qeeraa Gallassi Geeshsha Maxaafaa Xinaatiyaa Doomissanau

“Ubba asassi laggee koshshiyoogaa intte maayiyoogee sirissenna. Intte laggiyaa eeshshatuppe intte xoqqu oottidi xeelliyoy aybee? [Zaaranaashin takki ga.] Nuuni laggeta akeekan doorana koshshiyoy aybissakko hagan deꞌiyaabaa beꞌite.” Tisaase 1 Wochiyo Keelaa keettaawau immada, sinttaa 16n deꞌiya sima huuphe yohuwaappe issuwaa nabbabidi issippe tobbite. Hegan deꞌiya xiqisiyaappe guuxxiis giishin issuwaa nabbaba. Maxeeteta keettaawau immada, kaallidi deꞌiya oyshaa tobbanau zaarettada yaana gallassaa keera.

Wochiyo Keelaa Tisaase 1

“Mata wodeppe doommidi, meretay gattiyo daafay bolli bollan gakkiyoy aybissakko qoppi ereetii? [Zaaranaashin takki ga.] Meretay gattiyo daafay darana wodee yaanaagaa Geeshsha Maxaafay kasetidi yootiis. [Maatiyoosa 24:7, 8 nabbaba.] Ha maxeetee, Ha wodiyan meretay gattiyo daro daafay gakkiyoy aybissee? Hegee Xoossaa qixaatee? giya oyshata zaarees. Meretay gattiyo daafa ubbay gakkenna mala Xoossay mata wode oottanaagaa ammananaadan oottiya gaasoti deꞌoosona.”

Beegottite! Tisaase

Naaꞌꞌantto Ximootiyoosa 3:16 nabbaba. Yaatada, hagaadan ga: “Issoti issoti Geeshsha Maxaafay Xoossaa ayyaanaa kaaletuwan xaafettidoogaa ammaniyo wode, harati qassi hegaadan ammanokkona. Intte qofay shin aybee? [Zaaranaashin takki ga.] He oyshaa xeelliyaagan asaa qofay dumma dumma gidikkokka, asay xayssanau daro baaxetido hara maxaafi baynnaagaa ubba asay maayiyooba. Geeshsha Maxaafaa xayssanaunne asay a nabbabennaadan digganau daro layttau oottidobaappe amaridaagaa ha maxeetee qonccissees. Qassi Geeshsha Maxaafay waanidi xayennan attidaakkokka qonccissees.”