Tiꞌokiraase Haggaazo Timirtte Keettaa Zaaretuwaa
Kaallidi deꞌiya oyshati Tisaase 26, 2011n doommiya saaminttan Tiꞌokiraase Haggaazo Timirtte Keettaa shiiquwan zaarettiyoogeeta.
1. Asi nuna galatiyo wode ‘paacettana’ danddayiyoy ayba ogiyaanee? (Lee. 27:21) [w06 9/15 sinttaa 19 mentto 11]
2. Issi uri woppu gaanaadan oottennay aybin ‘ufayttiyoogee’? (Era. 2:1) [g 4/06 sinttaa 6 mentto 1-2]
3. Issi issi asay Solomoni Eranchchaa 3:1-9n xaafido qaalay qaadan ammaniyoogaa kaafees giyaaba gidikkokka, i Eranchchaa 9:11n xaafidobay deꞌon deꞌiya ubbabay qaadan merettibeennaagaa waati qonccissii? [w09 3/1 sinttaa 4 mentto 4]
4. “Keehi daro xillo” gidiyoogee loꞌꞌo gidennay aybissee? (Era. 7:16) [w10 10/15 sinttaa 9 mentto 8-9]
5. Aqo oyqqanau koyiyaageeti aqo lagge gidiya uraa dooranau eesotiyoogee eratetta gidennaagaa Siiquwaa Sabaa 2:7y waati bessii? [w06 11/15 sinttaa 19 mentto 1; w80 4/15 sinttaa 19 mentto 7]
6. SHulaame biittaa naꞌee “menttershshaara eessaa ililoi” xokkiyoogeenne i “doonaappe eessainne maattai” pulttiyoogee ay bessii? (Siiquwaa Sabaa 4:11) [w06 11/15 sinttaa 19 mentto 6]
7. “Maalaalissiyaabaa Zoriyaagaa,” “Wolqqaama Xoossaa” qassi “Merinaa Aawaa” giya boncho sunttati Yesuusa eeshshatanne i ooratta alamiyan haariyaagaa gididi oottiyoobaa loytti akeekanaadan maaddiyoy ayba ogiyaanee? (Isi. 9:6) [w91 4/15 sinttaa 5 mentto 7]
8. Xoossaa kaddida Israaꞌeela ‘kawotettaara’ ha wodiyan geeddarssana danddayiyoy oonee, Yihooway a xayssanau goꞌettiyo ‘gatimay’ oonee? (Isi. 10:5, 6) [sinttaa 153 mentto 20]
9. Isiyaasi Baabiloonen “mulekka asi uttenna” giidi yootido hiraagay keehi maalaalissiyaaba gididoy aybissee, hegee polettidoogee nuuni ha wodiyan ay ammanettanaadan oottii? (Isi. 13:19, 20) [g 11/07 sinttaa 9 mentto 4-5]
10. Yesuusi “Daawita keettaa qulppiyaa” ekkidoy awudee, i he qulppiyaa waati goꞌettiiddi deꞌii? (Isi. 22:22) [w09 1/15 sinttaa 31 mentto 2]