Kawotettaa Mazamuriyaa Goꞌettiyo Loꞌꞌo Ogiyaa

Xoossau oottiyaageeti muuziqay Yihooway immido loꞌꞌo imota gidiyoogaa akeekoosona. (Yaaq. 1:17) Daro gubaaꞌiyan shiiquwaa doommanaappe kasenne shiiquwaappe simmin, Kawotettaa mazamuriyaa loddan yexissoosona. Hegaa yexissiyoogee shiiquwau yiya asaa mokki ekkiyo ufayssiya oge. Qassi nuuni goynuwau nu qofan giigettanaadan maaddees. Hegaa bollikka, ooratta mazamuriyaa meloodiyaa yexissiyoogee nuuni meloodiyaa loytti hassayidi, mazamuriyaa suure yexxanaadan maaddees. SHiiquwaappe simmin hegaa mala muuziqaa yexissiyoogee, ufayssiyaanne issoy issuwaa minttettiyo hanotay deꞌanaadan maaddees. Hegaa gishshau, shiiquwaappe kasenne shiiquwaappe simmin, Yihoowayyo Yexxite—Piyaanuwaa Cenggurssaara Giigidaagaa giyaagaa yexissanau gubaaꞌiyaa cimati issi issibaa giigissana koshshees. Cenggurssay xoqqu giidi asay issoy issuwaara haasayiyoogee siyettennaadan diggennaagaa eti akeekana koshshees.