Asaa Haasayissiyoogaa Doommanau Maaddiya Qofaa

Aginan Koyro Qeeraa Gallassi Geeshsha Maxaafaa Xinaatiyaa Doomissanau

“Issi gallassi Xoossay aawu oosuwaadan a bolli pirddana giidi daro asay ammanees. Pirdda Gallassay ufayssan naagiyooba giidi qoppeetiiyye woy yashshiyaaba giidi qoppeetii? [Zaaranaashin takki ga.] Hegaara gayttidaagan ha maxeetiyan qonccidabaa beꞌite.” Masqqala 1 Wochiyo Keelaa haasayissiyo uraassi immada, sinttaa 16n koyro sima huuphe yohuwan deꞌiya qofaanne hegan deꞌiya xiqisiyaappe guuxxiis giishin issuwaa tobbite. Maxeeteta keettaawau immada, kaallidi de⁠ꞌiya oyshaa tobbanau zaarettada yaana gallassaa keera.

Wochiyo Keelaa Masqqala 1

“Daro biittan maccaasaa bolli bessennabaynne qohiyaabay gakkees. Haymaanootetikka hegaa minttettiyaabaa oottidoogee azzanttiyaaba. Xoossay maccaasaassi qoppees giidi qoppeetii? [Zaaranaashin takki ga.] Geeshsha Maxaafay azinay ba machiyo waatidi oyqqana mala tamaarissiyaakko akeekite. [Efisoona 5:​28, 29 nabbaba.] Ha maxeetee maccaasaara gayttidaagan Xoossaa xeelay aybakko qonccissees.”

Beegottite! Masqqala

“Daroti sa⁠ꞌaa bolli de⁠ꞌiya ubbabay niyukileeriyaa olaa woy meretay gattiyo daafabaa gaasuwan issi gallassi xayana giidi qoppoosona. Hegaa mala bashsha gallassaabaa yootiyoobay tumuppe gakkanaba giidi qoppeetiiyye woy coo aymo giidi qoppeetii? [Zaaranaashin takki ga.] Geeshsha Maxaafay issi minttettiyaabaa yootees. [Mazamure 37:29 nabbaba.] Ha maxeetee bashsha gallassaa xeelliyaagan odettiya meeze gididabaanne sinttappe aybi hananaakko Geeshsha Maxaafay yootiyoobaa qonccissees.”