Haggaazuwan Oosettidabaappe Ayfettiyaabata

Udufuniyaanne Tammiyaa aginan nu biittan deꞌiya cimati Gubaaꞌiyaa Cimatuyyo Giigida Timirtte Keettan tamaariyoogaa doommidosona. Eti tamaariyoobay, nuuni mishiraachuwaa yootiyoogaaninne mishettidi tamaarissiyoogan Xoossaa sheniyaa oottanaadan imettida oosuwaa oottanaadankka minttettees. Hegee, Geeshsha Maxaafaa xannaꞌissiyoogaanne koyiya asata zaaretti oychanau wozanappe baaxetiyoogaa gujjees. Hanno gakkanau 320 gidiya cimati hosppun kayan tamaaridosona; hegee nu biittan deꞌiya cimatu qoodau bagga heera. Ha ishati he korssiyan keehi ufayttidosona; gubaaꞌiyau oottiyo oosuwan hegee eta keehi goꞌꞌanaagaa ammanettoos.