Asaa Haasayissiyoogaa Doommanau Maaddiya Qofaa

Aginan Koyro Qeeraa Gallassi Geeshsha Maxaafaa Xinaatiyaa Doomissanau

“Ha aginan daro asay Yesuusabaa qoppees. Yesuusi polido gitabay ayba giidi qoppeetii? [Zaaranaashin takki ga.] Hegaara gayttidaagan ha maxeetiyan sinttaa 16n qonccidabaa beꞌite.” Tisaase 1 Wochiyo Keelaa haasayissiyo uraassi immada, hegan deꞌiya sima huuphe yohotuppe issuwaa qofaanne hegan deꞌiya xiqisiyaappe guuxxiis giishin issuwaa tobbite. Maxeeteta au immada, kaallidi deꞌiya oyshaa tobbanau zaarettada yaana gallassaa keera.

Wochiyo Keelaa Tisaase 1

“Ha aginan daro asay Ufayssa Masqqalaabaa qoppees. Ufayssa Masqqalaabaa loytti qonccissiyay hageetuppe awugaa giidi qoppeetii? [Sinttaa 3n deꞌiya qofaa bessada, zaaranaashin takki ga. Yaatada, he huuphe yohoy aahuwan qonccido sinttan deꞌiya waanna xiqisiyaa nabbaba.] Ha maxeetee nuuni Ufayssa Masqqalaa wode xallan gidennan, laytta kumettan Yesuusa hassayana danddayiyo loꞌꞌo ogeta qonccissees.”

Beegottite! Tisaase

“Daro asaa unꞌꞌissiyaabay deꞌiyo gishshau, haasayissiiddi deꞌoos. Ha wodiyan asay eesuwan hanqqettiyaaba intteyyo milatennee? [Zaaranaashin takki ga.] Daro asay 2 Ximootiyoosa 3:1n kaseti odettidaagaadan, nuuni waayissiya wodiyan deꞌoos giidi qoppees. [Nabbaba.] Ha maxeetee danddayancha gidennaagee qohiyaaba gidiyoy aybissakko, qassi nuuni waanidi woppu giida asa gidana danddayiyaakko qonccissees.”