Asaa Haasayissiyoogaa Doommanau Maaddiya Qofaa

Aginan Koyro Qeeraa Gallassi Geeshsha Maxaafaa Xinaatiyaa Doomissanau

“Xoossau buzo sunttay oonakko ereetii? [Zaaranaashin takki ga.] Hegaara gayttidaagan ha maxeetiyan qonccidabaa beꞌite.” Ichashe-Laappune Wochiyo Keelaa haasayissiyo uraassi immada, wurssetta sinttan deꞌiya koyro huuphe yohuwaa garssan deꞌiya qofaanne guuxxiis giishin issi xiqisiyaa tobbite. Maxeeteta au immada, kaallidi deꞌiya oyshaa tobbanau zaarettada yaana gallassaa keera.

Wochiyo Keelaa Ichashe-Laappune

“Daro asay alamiyaa wurssettaabaa haasayees. Alamiyaa wurssettaa yayyeetii? [Zaaranaashin takki ga.] Ha xiqisee he wode attiya asay deꞌiyoogaa yootees. [1 Yohaannisa 2:17 nabbaba.] Ha maxeetee alamiyaa wurssettaa xeelliyaagan asay oychiyo oyddu oyshatu zaaruwaa qonccissees.”

Beegottite! Usuppune

“Asay loꞌꞌo deꞌo deꞌanau hara biitti biyoogee ha wodiyan meeze gididaba. Eti bantta koyidobaa ubba wode demmoosona giidi qoppeetii? [Zaaranaashin takki ga.] Asay hara biitti biyoogee oorattaba gidenna. Geeshsha Maxaafan koyro maxaafay hegaa xeelliyaagan yootiyoobaa akeekite. [Doomettaabaa 46:5, 6 nabbaba.] Ha maxeetee ha oyshata zaarees.” Koyro huuphe yohuwaa wurssettan deꞌiya oyshata haasayissiyo ura bessa.