Asaa Haasayissiyoogaa Doommanau Maaddiya Qofaa

Aginan Koyro Qeeraa Gallassi Geeshsha Maxaafaa Xinaatiyaa Doomissanau

“Daroti hayqqiyo wode saluwaa baanau hidootoosona. SHin saluwaa biyaageeti yan ay oottanee?” Zaaranaashin takki ga. Ichashe-Laappune Wochiyo Keelaa wurssetta sinttaa bessada, koyro oyshaanne baa giishin issi xiqisiyaa tobbite. Maxeeteta au immada, kaallidi deꞌiya oyshaa tobbanau zaarettada yaana gallassaa keera.

Wochiyo Keelaa Ichashe-Laappune

“Xoossaa xeelliyaagan yootiyo worddo ubbaappe aadhiyaagee awugaa giidi qoppeetii? [Zaaranaashin takki ga.] Xoossay asay a siiqanaadaaninne an ammanettanaadan koyiyoogaa Geeshsha Maxaafay yootees. [Isiyaasa 41:13 nabbaba.] Issoti issoti Xoossaakko shiiqanau metootanaadan oottida, Xoossaa xeelliyaagan odettiya meeze gidida heezzu worddota ha maxeetee qonccissees.”

Beegottite! Laappune

“Asay bala ogiyan qoppiyo, ha xiqisiyan qonccidabaa asaara tobbiiddi deꞌoos. [Doomettaabaa 1:1 nabbaba.] Issi issi asay ubbabay merettidoogaa ammaniyo wode, harati qassi hegaa ammanokkona. Intte qofay shin aybee? [Zaaranaashin takki ga.] Haymaanootiyaa kaalettiyaageeti Geeshsha Maxaafan baynnabaa tamaarissiyo gishshau, daro asay ubbabay merettidoogaa ammanenna. Ha maxeetee, Geeshsha Maxaafay ubbabay merettido wodiyaabaa yootiyoobay qonccenne ammananau metennaba gidiyoogaa bessees.”