Asaa Haasayissiyoogaa Doommanawu Maaddiya Qofaa

Godaa Kahuwawu Asaa SHoobbanawu

“Nuuni issi dumma baalawu asaa shoobbiiddi deꞌoos. Hosppune 3, 2015n (Laappune 25, 2007) kumetta alamiyan miilooniyan qoodettiya asay Yesuus Kiristtoosa hayquwaa hassayanawu, qassi a hayqoy nuna keehi goꞌꞌiyoogaa qonccissiya haasayaa siyanawu shiiqana. Nu heeran he shiiquwaa awan, qassi aappun saatiyan shiiqanaakko ha shoobiyaa woraqatay qonccissees.”

Wochiyo Keelaa Ichashe-Laappune 2015

“Nuuni Xoossaabaa asaara haasayiiddi deꞌoos. Xoossaa xeelliyaagan asawu dumma dumma qofay deꞌiyoogaa eroos. Daro asay Xoossaa xeelliyaagan i coo wolqqa goosona gaada qoppayiyye woy banttawu qoppiya mata dabbodan qoppoosona gaada qoppay? [Zaaranaashin takki ga.] Ha xiqisee Xoossay nuuni aara ay mala dabbotaa medhanaadan koyiyaakko yootees. [Yaaqooba 4:8a nabbaba.] Ha maxeetee nuuni Xoossaakko shiiqanawu oottana koshshiya heezzubaa qonccissees.”

Beegottite! Laappune

“Nuuni mati kiyida Beegottite! maxeetiyaa asawu immiiddi deꞌoos. [Koyro sinttaa bessa.] ‘Xoossi Deꞌii?’ yaagiya koyro oyshaa xeelliyaagan asawu dumma dumma qofay deꞌees. SHin sintta wodiyaa xeelliyaagan loꞌꞌo qofay deꞌiyoogeeti Xoossan ammaniyaageeta gaada qoppayiyye woy Xoossan ammanennaageeta gaada qoppay? [Zaaranaashin takki ga.] Xoossay yootido, daro asawu hidootay deꞌanaadan maaddidabaa beꞌa. [Mazamure 37:10, 11 nabbaba.] Ha maxeetee Xoossay deꞌiyaakkonne eranawu maaddiya oyddubaa qonccissees.”