Asaa Haasayissiyoogaa Doommanau Maaddiya Qofaa

Godaa Kahuwau Asaa SHoobbanau

“Alame yuushuwan layttan layttan bonchettiya keehi dumma baalaa, Laappune 26n intte soo asay nunaara bonchanaadan ha shoobiyaa woraqataa immanau koyeettees. Hegee, Yesuusa hayquwaa hassayiyo baala. I hayqqidoogan nuuni waanidi goꞌettiyaakko, Geeshsha Maxaafaappe shiiqiya haasayaa miishsha qanxxennan ezggana danddayeeta. Nu heeran he shiiquwaa awan, qassi aappun saatiyan shiiqanaakko ha shoobiyaa woraqatay qonccissees.”

Wochiyo Keelaa Ichashe-Laappune

“Daro asay alamiyaa wurssettaabaa haasayees. Alamiyaa wurssettaa yayyeetii? [Zaaranaashin takki ga.] Ha xiqisee he wode attiya asay deꞌiyoogaa yootees. [1 Yohaannisa 2:17 nabbaba.] Ha maxeetee alamiyaa wurssettaa xeelliyaagan asay oychiyo oyddu oyshatu zaaruwaa qonccissees.”

Beegottite! Laappune

“Ha wodee naata dichanau keehippe metiya wode gidiyoogaa maayekketii? [Zaaranaashin takki ga.] Daro aawatinne aayeti Geeshsha Maxaafaappe loꞌꞌo zoriyaa demmidosona. Leemisuwau, aawati bantta naata azazanaunne tishsha ootti dichanau injje wodiyaa goꞌettanaadan ha xiqisee maaddiis. [Qolasiyaasa 3:21 nabbaba.] Ha maxeetee aawata maaddiya, ichashu baaso siraataa qonccissees.”