Haggaazuwan Kaseegaappe Qara Gidiyoogaa—Zaarettidi Oychanawu Hanotaa Giigissiyoogaa

Hegee Keehi Koshshiyoy Aybissee? Eranawu koyiya uraa demmiyo wode, nuuni tokkido tumaa puutiyaa haattaa ushshanawu izaawu son deꞌiyo wode zaaretti biidi oychana koyoos. (1 Qor. 3:6) Yaatanawu darotoo appe shaahettidi baanaappe kase, nuuni zaarettidi oychanawu yiyo wodiyawu hanotaa giigissana bessees. Qassi, simmidi yiyo wode tobbana oyshaa oychiyoogee loꞌꞌo. Yaatiyoogee nuuni zaarettidi biyo wodiyaa keettaaway ufayttidi naaganaadan oottees; qassi nuuni awu immiyo xuufiyan hegaa zaaroy deꞌikko, i he xuufiyaa nabbabanawu koyana danddayees. Zaarettidi oychiyo wodiyawu hanotaa giigissiyo wode, ay tobbanaakko kuuyiyo gishshawunne hegaa keettaawawu kasetidi odi wottiyo gishshawu, zaarettidi oychanawu metootokko. Zaarettidi aara gayttiyo wode, kase gallassi denttido oyshaa zaaranawu yiidoogaa odidi aara tobbiyoogaa doommana danddayoos.