Haggaazuwan Oosettidabaappe Ayfettiyaabaa

Hosppune 10, 2014ppe doommidi asay dariyo kataman dabaaban markkattiyoogee doomettiis; Addisaaban oyddusan, Moojooninne Adaaman ishantti loytti markkattiiddi deꞌoosona. Hanno gakkanawu, 10,097 maxaafay, 8,196 maxeetee, 4,824 brooshureenne 1,191 trakttee asawu imettiis. Hara dumma dumma heerankka hegaadan oottanawu halchida.

He sohotun 160 aqinyeti haggaaziiddi deꞌoosona. He aqinyeti oottiiddi deꞌiyoobay minttettiyaaba. Eti Kawotettaa kaseyanawu bantta oosuwaa hanotaanne bantta buzo allaalliyaa giigissidosona. Yaatiyoogan daroti loytti haggaazana danddayidosona; dabaaban markkattiyoogee Yihoowawunne a dirijjitiyawu oottiyoogan eti ufayttanaadan maaddiis. Qassi nu xuufiyaa ekkiya asati hegaa nashshiyoogaanne Geeshsha Maxaafaa xannaꞌana koyiyoogaa yootoosona. Issoti issoti dabaaban markkattanawu kumetta wode aqinye gididosona.

Ha oosuwaa Yihooway anjjiiddi deꞌiyoogeenne nuuni ha haggaazuwan loꞌꞌo ayfiyaa demmiiddi deꞌiyoogee qoncce.