Asaa Haasayissiyoogaa Doommanawu Maaddiya Qofaa

Aginan Koyro Qeeraa Gallassi Geeshsha Maxaafaa Xinaatiyaa Doomissanawu

“Sinttappe Yesuusi asaa naatuyyo ay oottana gaada qoppay?” Zaaranaashin takki ga. Isiine-Masqqala Wochiyo Keelaa wurssetta sinttaa bessada, koyro oyshaanne baa giishin issi xiqisiyaa tobbite. Maxeeteta awu immada, kaallidi deꞌiya oyshaa tobbanawu zaarettada gayttana gallassaa keera.

Wochiyo Keelaa Isiine-Masqqala

“Daro asay sinttanaabaa eranawu koyiyo gishshawu, hegaara gayttida issi issibaa asaara tobbiiddi deꞌoos. Sinttanaabaa qoppiyo wode neeni ufayttayiyye hirggay? [Zaaranaashin takki ga. Yaatada, “Xoossay Sinttanaabaa Ay Yootidee?” giya saaxiniyan deꞌiya xiqisetuppe issuwaa nabbaba.] Ha maxeetee Xoossay oottanawu qaalaa gelido issi issibaanne hegee polettanaagaa nuuni hidootan naagana danddayiyo gaasuwaa qonccissees.”

Beegottite! Tisaase

“Daro asay sahettiyo issi sahuwaa xeelliyaagan amarida qofaa denttidi haasayiiddi deꞌoos. Alamiyaa Payyatettaa Dirijjitee qonccissidoogaadan gidikko, oyddu asaappe issoy ba deꞌuwan issi wode unꞌꞌettiyoogaa mala guugge sahuwaa sahettees. Ha wodiyan daro asay hegaadan sahettees gaada qoppay? [Zaaranaashin takki ga.] Geeshsha Maxaafay, mata wode saꞌan deꞌiya asi ubbi sahettennan woy harggennan deꞌanaagaa yootees. [Ajjuutaa 21:3, 4 nabbaba.] Ha maxeetee guugge sahuwaa xeelliyaagan ubba asi erana koshshiyo amarida qofaa qonccissees.”