Asaa Haasayissiyoogaa Doommanau Maaddiya Qofaa

Aginan Koyro Qeeraa Gallassi Geeshsha Maxaafaa Xinaatiyaa Doomissanau

“Nuuni Hosppune 14n bonchiyo issi baalau asaa shoobbiiddi deꞌoos. Hegee Yesuusa hayquwaa hassayiyo baala. Issoti issoti a hayqoy keehi maaddiyaaba gi qoppidi he gallassaa bonchoosona. Harati qassi a hayqoy maaddiya maaddennaakko erokkona. Yesuusa hayqoy nenanne tana maaddees gaada qoppay?” Zaaranaashin takki ga. Hosppune-Tamme Wochiyo Keelaa wurssetta sinttaa bessada, koyro oyshaanne baa giishin issi xiqisiyaa aara tobba. Maxeeteta au immada, kaallidi deꞌiya oyshaa tobbanau hara gallassi gayttanau keera.

Wochiyo Keelaa Hosppune-Tamme

“Daro asay ‘Xoossay alamiyan deꞌiya pirdda pacaanne tuggaa xayssennay aybissee?’ yaagidi qoppees. Xoossay hegaa malabaa xayssibennay nuussi qoppenna gishshataassee, woy hegee nu bolli gakkanaadan koyiyo gishshataassee? [Zaaranaashin takki ga. Yohaannisa 3:16 nabbaba.] Daroti ha xiqisee Xoossay nuussi qoppiyoogaa qonccissiyaabadan yootiyaaba gidikkokka, Xoossaa naꞌaa hayqoy eta waati maaddiyaakko erokkona. Ha maxeetee Yesuusaa hayqoy pirdda pacaanne tuggaa saꞌaappe waati xayssiyaakko qonccissees.”

Beegottite! Uddufune

“Asay keehi unꞌꞌettiyoogaa agganaadan maaddiya qofaa yootiiddi deꞌoos. Asay ha wodiyan kaseegaappe daro unꞌꞌettiyaaba milatennee? [Zaaranaashin takki ga.] Daroti Geeshsha Maxaafan deꞌiya zoree eti keehi unꞌꞌettiyoogaa agganaadan maaddidoogaa akeekidosona. Leemisuwau hagaa beꞌa. [Maatiyoosa 6:34 nabbaba.] Ha maxeetee, nuuni unꞌꞌettennaadan oottiya oyddubata waati xoonanaakko Geeshsha Maxaafay yootiyoobaa qonccissees.”

Akeekissuwaa: Ha maxeetee dumma dumma oosuwaa oottiya asaa keehi maaddana danddayees.