Asaa Haasayissiyoogaa Doommanau Maaddiya Qofaa

Aginan Koyro Qeeraa Gallassi Geeshsha Maxaafaa Xinaatiyaa Doomissanawu

“Nuuni Hosppune 14n bonchiyo issi baalawu asaa shoobbiiddi deꞌoos. Hegee Yesuusa hayquwaa hassayiyo baala. Issoti issoti a hayqoy keehi maaddiyaaba gi qoppidi he gallassaa bonchoosona. Harati qassi a hayqoy maaddiya maaddennaakko erokkona. Yesuusa hayqoy nenanne tana maaddees gaada qoppay?” Zaaranaashin takki ga. Hosppune-Tamme Wochiyo Keelaa wurssetta sinttaa bessada, koyro oyshaanne baa giishin issi xiqisiyaa aara tobba. Maxeeteta awu immada, kaallidi deꞌiya oyshaa tobbanawu hara gallassi gayttanawu keera.

Wochiyo Keelaa Hosppune-Tamme

“Daro asay ‘Xoossay alamiyan deꞌiya pirdda pacaanne tuggaa xayssennay aybissee?’ yaagidi qoppees. Xoossay hegaa malabaa xayssibennay nuussi qoppenna gishshataassee, woy hegee nu bolli gakkanaadan koyiyo gishshataassee? [Zaaranaashin takki ga. Yohaannisa 3:16 nabbaba.] Daroti ha xiqisee Xoossay nuussi qoppiyoogaa qonccissiyaabadan yootiyaaba gidikkokka, Xoossaa naꞌaa hayqoy eta waati maaddiyaakko erokkona. Ha maxeetee Yesuusaa hayqoy pirdda pacaanne tuggaa saꞌaappe waati xayssiyaakko qonccissees.”

Beegottite! Uddufune

“Asay ha wodiyan Intternneetiyaa baggaara darotuura dabbotaa medhees. Tumu laggiyaappe koyettiya waanna eeshshay ayba gaada qoppay? [Zaaranaashin takki ga.] Geeshsha Maxaafay laggetettaa xeelliyaagan yootiyo zoriyaappe goꞌꞌiya issi leemisuwaa beꞌa. [Yaaqooba 1:19 nabbaba.] Ha maxeetee, nuuni loꞌꞌo lagge gidanaadan maaddiya oyddu qofaa qonccissees.”