Asaa Haasayissiyoogaa Doommanau Maaddiya Qofaa

Aginan Koyro Qeeraa Gallassi Geeshsha Maxaafaa Xinaatiyaa Doomissanau

“Daro asay Yesuusabaa erees. Nuuni asay Yesuusabaa darotoo oychiyo issi oyshaa zaarana koyoos. Hagaadan qoppi ereetii?” Hosppune-Tamme Wochiyo Keelaa haasayissiyo uraa bessada, wurssetta sinttan deꞌiya koyro oyshaanne guuxxiis giishin issi xiqisiyaa tobbite. Maxeeteta au immada, kaallidi deꞌiya oyshaa tobbanau zaarettada yaana gallassaa keera.

Wochiyo Keelaa Hosppune-Tamme

“Yesuusi hayquwaappe denddidoogaa daro asay erees. SHin Yesuusa hayqoynne denddoy banttana waati goꞌꞌiyaakko daroti erokkona. Hegaabaa qoppi ereetii? [Zaaranaashin takki ga.] Ha xiqisiyan qonccida goꞌꞌaa akeekite. [1 Qoronttoosa 15:20-22 nabbaba.] Yesuusa denddoy nuna ubbaa waati goꞌꞌiyaakko ha maxeetee qonccissees.”

Beegottite! Tamme

“Issi allaalliyaa xeelliyaagan intte qofay aybakko siyanau koyoos. Ubba asi loꞌꞌo deꞌo deꞌanau koyiyoogee erettidaagaa. Aquwaaban darobaa shammiyoogan loꞌꞌo deꞌo deꞌana danddayoos giidi qoppeetii? [Zaaranaashin takki ga.] Yesuusi yootido ha qofaa akeekite. [Luqaasa 24:32 nabbaba.] Ha maxeetee nuuni aquwaabaa bessiyaagaadan xeellanaadan yootees; qassi nu miishshaa waatidi goꞌettanaakko maaddiya qofaa qonccissees.”