MINNADA HAGGAAZA | HAGGAAZUWAN KASEPPE AARUWAN UFAYTTITE
Intte Xinaateti SHiiqota SHiiqanaadan Maaddite
Gubaaꞌe shiiqoy tumu goynuwawu keehi koshshiyaaba. (Maz 22:22) Yihoowawu goynnanawu issippe shiiqiyaageeti ufayssaanne anjjuwaa demmoosona. (Maz 65:4) Xinaateti shiiqota ubbatoo shiiqiyo wode darotoo ayyaanaaban eesuwan diccoosona.
Intte xinaateti shiiqota shiiqanaadan waati maaddana danddayeetii? Eti shiiqota shiiqanaadan ubbatoo shoobbite. SHiiquwaa Addaraashan Oosettiyaabay Aybee? giya biiduwaa eta bessite. SHiiqota shiiqiyoogaa goꞌꞌaa etawu qonccissite. (lff timirtte 10) SHiiquwan intte tamaaridobaappe amaridabaa woy kaalliya shiiquwan tamaaranabaa etawu yootana danddayeeta. SHiiquwan xannaꞌana xuufeta intte xinaatetussi immite. Qassi eta maaddite. SHiiquwaa yaanawu etawu maadoy koshshana danddayees. Intte xinaateti shiiqota koyro shiiqiyo wode intte baaxetido ubbabay bessiyaaba gidiyoogaa intte akeekana.—1Qor 14:24, 25.
GEESHSHA MAXAAFAA INTTE XANNAꞌISSIYOOGEETA MAADDITE—SHIIQOTA SHIIQANAADAN GIYA BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:
Niita gubaaꞌe shiiquwaa Jeedo shoobbanawu ayba injjiyaa goꞌettadee?
Xinaateti shiiqota shiiqiyo wode nuuni ufayttiyoy aybissee?
“Xoossai tumu intte giddon de7ees”
Jeeda shiiquwaa koyro shiiqido wode ay akeekadee?