NAASE 5-11

MAZAMURE 70-72

Mazamure 59nne Woosaa | Doommiyo Wode Haasayiyobaa (1 daq.)

XOOSSAA QAALAN DEꞌIYA ALꞌꞌOBAA

1. Xoossaa Wolqqaabaa “Yiya Yeleta Ubbaassi” Yootite

(10 daq.)

Yelagatettan Daawita Yihooway naagiis (Maz 71:5; w99 9/1 18 ¶17)

Cimido wodekka Yihooway Daawita maaddiis (Maz 71:9; g04 10/8 23 ¶3)

Daawiti bana gakkidabaa yelagatuyyo yootiyogan eta minttettiis (Maz 71:17, 18; w14 1/15 23 ¶4-5)

Keettaa asay aadhdhida saaminttan “So Asaa Goynuwawu Maaddiya Maarata” giyagaappe eti tobbidobaa zaarettoosona. So asaa goynuwan layttan etappe cimiya azinaanne machchiyo shoobbidi he azinaynne machchiya pootota bessiyo wodenne bantta deˈuwan hanidabata yootiyo wode ufayttiiddi ezggoosona.

NENA HAGAADAN OYCHCHA, ‘Nu so asaa goynuwa wode nu galchchaappe adussa wodiyawu Yihoowawu haggaazida ura oona oysha zaaruwa oottana danddayiyanaa?’

2. Ayyaanaaban Alꞌꞌobaa

(10 daq.)

Maz 72:8—Doomettaabaa 15:18n Yihooway Abrahaamawu gelido qaalay Kawuwa Solomona haaruwa wode waani polettidee? (it-1 768)

Ne zaaruwa
Ha saaminttaa Geeshsha Maxaafaa nibaabiyappe ayyaanaaban alꞌꞌobaa ay yootana koyay?

Ne zaaruwa

3. Geeshsha Maxaafaa Nibaabee

(4 daq.) Maz 71:1-24 (th xinaate 5)

MINNADA HAGGAAZA

4. Haasayissiyogaa Doommiyogaa

(3 daq.) SOOPPE SOO. Izaawu palamaa doommikko, loꞌꞌobaa haasayiyogan kuuya. (lmd timirtte 4 qofaa 5)

5. Zaaretti Oychchiyogaa

(4 daq.) HAGGAAZUWA KIYENNAN MARKKATTIYOGAA. Kase, Geeshsha Maxaafaa xannaꞌanawu mammottida dabbo asa haasayissiyogaa. (lmd timirtte 8 qofaa 4)

6. Neeni Ammaniyobaa Qonccissiyogaa

(5 daq.) Haasayaa. ijwfq 49—Cuccumaa: Yihoowa Markkati Bantta Ammaniyobatuppe Amaridaageeta Laammidoy Aybissee? (th xinaate 17)

KIRISTTAANETI DEꞌIYO DEꞌUWA

Mazamure 76

7. So Asaa Goynuwawu Maaddiya Qofata

(15 daq.) Tobbiyogaa.

Qommoora etabaa denttido keettaa asay eqqidi mazamuriya meezetoosona.

He keettaa asay JW Brodkastingiya prograamiya beˈees.

So Asaa Goynuwan meezetiyo wode, eta naˈiya aayee oyshaa zaarawusu.

So Asaa Goynoy naati ‘Yihoowa seeraanne zoriya’ tamaariyo loꞌꞌo wode. (Efi 6:4) Tamaariyogee baaxeyiyaba; shin naati Geeshsha Maxaafaa tumaa eranawu keehi koyanaadan hegee maaddiyo gishshawu ufayssiya meeze gidana danddayees. (Yoh 6:27; 1Phe 2:2) So Asaa Goynoy loytti tamaariyonne ufayttiyobaa gidanaadan yelidaageeta maaddana danddayiya, “So Asaa Goynuwawu Maaddiya Qofata” giya saaxiniya qanttan zaaretta; yaatada ha oyshata ezggiyageeta oychcha:

Ha qofatuppe awugaa malanawu koyay?

Ne zaaruwa
Maaddiya harabaa ay akeekadii?

Ne zaaruwa

SO ASAA GOYNUWAWU MAADDIYA QOFATA

GEESHSHA MAXAAFAA:

Saaminttaa Geeshsha Maxaafaa nibaabiya kayan kayan issippe nabbabite. Geeshsha Maxaafan odettida asati haasayidobaa shaakki shaakki ekkidi nabbabana danddayeeta
Yelidaageetoo, saaminttaa Geeshsha Maxaafaa nibaabiyappe oyshata giigissite. Yaatidi so asay ubbay issi oyshaa dooridi pilgganaadan oottite. Qassi eti akeekidobaa yootana danddayoosona
Issi oyshaa woy gakkana danddayiya issi metuwa denttidi, Kiristtaanetu Duussawu Maaddiya Xiqiseta giyagaappe hegawu haniya Geeshsha Maxaafaa maarata pilggite
Geeshsha Maxaafaa taarikiyappe issi qofaa ootti-bessite
Asaa Siiqite—Erissiyo Ashkkara Oottite giya broshuriyan gujo qofaa A giyagan deꞌiyagaa mala xiqisiya saaminttan saaminttan dumma dumma woraqatan xaafite; yaatidi he xiqisetu qofaa hassayanawu malite. Kase saaminttan intte giigissido he woraqatata zaarettite
Merinawu Ufayttada Deꞌa! giyo maxaafaappe amarida qofaa woy issi shemppuwa xannaꞌite
Qassi jw.org saytiyan GEESHSHA MAXAAFAA TIMIRTTETA giyagan, “Geeshsha Maxaafaabaa Oychchiyobatu Zaaruwa” woy “Geeshsha Maxaafaa Xiqisetu Qonccissuwa,” giya kaalli kaalli kiyiya huuphe yohotuppe issuwa, so asaappe issoy shiishshanaadan mooddite

SHIIQOTA:

Galchchaa shiiquwan tamaaranabaappe issibaa giigettite
Shiiquwan zaarana qofaa giigettitenne meezetite. Meezetiiddi zaaranawu imettida wodiya akeekite
Mazamureta meezetite
Shiiquwappe kasenne shiiquwappe simmin issi ura woygidi minttettanaakko tobbitenne meezetite
So asaappe issuwawu tamaare kifilee imettikko, hegaa so asaa sinttan meezetanaadan oottite

HAGGAAZUWA:

Sooppe soo haggaazanawu giigettite
Zaaretti oychchanawu giigettite
Haggaazuwa kiyennan markkattiyo ogiya qoppite; qassi siiquwan waati haasayissanaakko meezetite
Godaa Kahuwa wode woy oosoy woy timirttee baynna wode waati loytti haggaazanaakko tobbite

SO ASAWU KOSHSHIYABATA:

Polotikaaban exatiyogaa, addettiyogaa, aqo oyqqanawu qoppidi wodiya aattiyogaa, woy baalaa bonchchiyogaa malaban paacee gakkikko waatanaakko meezetiyo wodiya battite
Naati oyshaa oychchiyo wode, he oyshaa eti banttawu pilgganaadan yelidaageeti yootite. Yaatidi naati he oyshaa zaaruwa yelidaageetussi qonccissoosona

GUJO QOFATA:

JW Brodkastingiya^® prograamiya beꞌidi tobbite
jw.org saytiyappe issi huuphe yohuwa nabbabidi woy issi biiduwa beꞌidi tobbite
jw.org saytiyan GEESHSHA MAXAAFAA TIMIRTTETAgiyagaa garssan deꞌiya “Panttatettan Deꞌiya Naatanne Yelagata” woy “Naata” giyagaappe issibaa xeellite
Killiliya Shiiquwan woy issi gita shiiquwan intte oyqqido masttooshaa zaarettite
Issi meretaa loytti xeellidi woy pilggidi hegaappe Yihoowabaa ay tamaariyakko tobbite
Issi issitoo, intte So Asaa Goynuwan issi uraa shoobbidi A gakkida paacetanne I tumaa waati siyidaakko oychchite
Ayyaanaabaa hoolliya kessidi hegaa waati polanaakko tobbite
Nohe markkabiya malabaa keexxanawu woy Ooratta Alamiya Birshshettaaninne nu xuufetun deꞌiya karttatanne chartteta issippe xannaꞌanawu malite

Intte Soo Asaa Goynuwa Boolimaa Ubbatoo Gujjite giya BIIDUWA bessa. Yaatada ezggiyageeta oychcha:

Naati baynna keettan so asaa goynoy ba machchiyo ufayssiyagaa gidanaadan azinay waatana danddayii?

Ne zaaruwa

8. Galchchaa Geeshsha Maxaafaa Xinaatiya

(30 daq.) lvs shem. 14 ¶10-14, Wurssetta Qofaa 30

Mazamure 59​nne Woosaa | Doommiyo Wode Haasayiyobaa (1 daq.)