Siiquwaa Bessa

Metuwaa

Asaa coo ixxiyoogee eesuwaara xayenna. Bayresiyaa xayssanawu wodiyaanne wolqqaa koshshiyoogaadan, asaa coo ixxiyoogaa agganawukka wodiyaanne wolqqaa koshshees. Neeni asaa coo ixxiyoogaa agganawu waatana danddayay?

Geeshsha Maxaafay Yootiyo Maaraa

Misiliyaa: 1. Karetta bitanee tukkiyaa oyqqido gishshawu Isiyaa biittaa bitanee kariyaa dooyidi oyqqi uttiis. 2. He bitanee qommoora deˈiya misiliyan qonccida Hindde biittaa maccaasiyo gujjin, banaara oottiya ubbawu tukkiyaa immees.

“Ubbabaa issippe shiishshi qachchiya siiquwaa maayite.”—QOLASIYAASA 3:14.

Ha xiqisiyaappe nuuni ay tamaariyoo? Haratussi loꞌꞌobaa oottiyoogee issippetettay deꞌanaadan oottees. Haratussi kaseegaappe aaruwan neeni siiquwaa bessiyo wode, darin asaa ixxennaagaa gidaasa. Kaseegaappe aaruwan asaa siiqiyoogaa neeni tamaariyo wode, asaa xeelliyaagan iita qofaa xoonanaadan hegee nena maaddana.

Neeni Oottanabaa

Misiliyaa: 1. Kawukazhiya biittaa cima maccaasiyaa shammidobaa Hindde biittaa maccaasiyaa O maaddaydda pooqiyaa kiyoosona. 2. Kawukazhiya biittaa cima maccaasiyaa ba shooro gidida qommoora deˈiya misiliyan qonccida Isiyaa biittaa bitaniyawu kukisiyaa immawusu.

Neeni coo ixxido asawu siiquwaa bessana danddayiyo amarida ogeta qoppa. Hegaa oottanawu darobay koshshenna. Kaallidi deꞌiyaageetuppe issuwaa woy daruwaa oottanawu mala:

Neeni siiquwaa bessiyo guuttabay, asaa coo ixxiyoogaa neeni agganaadan oottana

He citan deꞌiya asatussi kariyaa dooyada gelissiyoogan woy etappe issuwawu kaamiyaa giddon uttiyo sohuwaa immiyoogan etawu loꞌꞌo eeshshaa bessa.
Eti ne qaalaa loytti haasayennaba gidikkonne etaara haasayiyoogaa doommanawu mala.
Neeyyo gelenna ogiyan eti issibaa oottiyo wode danddayanchcha gida.
Eti bantta metuwaabaa neeyyo yootiyo wode qarettiyoogaa bessa.