Diina Metuwan Gelaasu

DIINA ookko baydda deꞌiyaakko beꞌay? Kanaane biittan deꞌiya macca naatuppe amaridaageetukko baydda deꞌausu. I aaway Yaaqoobi hegan ufayttanddeeshsha? Abrahaamessinne Yisaaqassi Kanaane biittaa maccaasatuyyo ay mala xeelay deꞌiyakko ne hassaya ekkiyoogee, he oyshaa zaaranau maaddana danddayees.

Abrahaamee ba naꞌay Yisaaqi Kanaane macca naatuppe machcho ekkanaadan koyidee? CHii, koyibeenna. Yisaaqinne Ribiqa eta naꞌay Yaaqoobi Kanaane macca naꞌa ekkanaadan koyidonaa? CHii, koyibookkona. Aybissakko eray?

Kanaanen deꞌiya asay eeqatussi goynniyo gishshataassa. Eta ekkanau woykko gelanau loꞌꞌo asa gidokkonanne eta mata lagge oottanaukka loꞌꞌo asa gidokkona. Hegaa gishshau, a naꞌiyaa Kanaane macca naata ba lagge oottidoogan, Yaaqoobi ufayttibeennaagee qoncce.

Diina metuwan gelidoogee qoncce. Misiliyan Kanaane bitanee Diino tishshi oottidi xeelliyaagaa beꞌay? A sunttay SHekeema. Issi gallassi Diina etakko biidaashin, SHekeemi Diino efiidi wolqqan iira zinꞌꞌiis. Issippe zinꞌꞌana bessiyay azinanne machcho gidida asa xalla gidiyo gishshau, hegee bala ooso. SHekeemi Diini bolli oottido he iita oosoy hara daro metuwaa kaalettiis.

Diini ishantti aybi hanidaakko siyido wode, keehippe yiillotidosona. Etappe Simoonanne Leewa geetettiya naaꞌꞌati, keehi yiillotido gishshau bantta bisuwaa ekkidi, he asati qoppennan katamaa gelidi daganttidosona. Etinne eta ishantti SHekeemanne hara attuma asa ubbaa woridosona. A naati hagaa mala iitabaa oottido gishshau, Yaaqoobi yiillotiis.

Ha ubba metoy denddidoy aybiinee? Hegee gakkidoy, Diina Xoossaa higgiyaassi azazettenna asata lagge ootto gishshataassa. Hega mala asata lagge oottana koyokko; koyiyooyye?