Tumu Xoossay Oonee?

Tumu Xoossay issuwaa xalla; a sunttay Yihoowa. Geeshsha Maxaafay, “Ne xalaalai GODAA [“Yihoowa,” NW] gidiyoogaa, neeni Ubbaappe Xoqqiya Xoossai sa7aa ubbaa haariyoogaa eti erona” yaagees. (Mazamure 83:18) I Ayyaana; a beꞌana danddayokko. I nuna siiqees; nuunikka a siiqanaadan koyees. Nuuni hara asaa siiqanaadankka koyees. (Maatiyoosa 22:35-40) I Ubbaa Danddayiyaagaa, ubbabaa Medhidaagaa.

Xoossay koyro medhidoy wolqqaama ayyaana mereta; i guyyeppe Yesuus Kiristtoosa geetettiis. Yihooway kiitanchatakka medhiis.

Yihooway saluwaaninne . . . saꞌan deꞌiya ubbabaa medhiis. Ajjuutaa 4:11

Xoossaa Yihooway xoolintteta, saꞌaanne a bolli deꞌiya ubbabaa medhiis.—Doomettaabaa 1:1.

I koyro asa gidida Addaama biittaa baanaappe medhiis.—Doomettaabaa 2:7.