GEESHSHA MAXAAFAA OYSHAA ZAARUWAA

Yesuusi Xoossaa Naꞌaa geetettiyoy aybissee?

Xoossaayyo asaagaadan naata yeliya machiyaa baawa. Deꞌon deꞌiya ubbabaa Medhidaagee a. Xoossay asaa naata baagaa mala eeshshaa qonccissana danddayiyaageeta oottidi medhiis. Xoossay medhido koyro bitanee Addaamee, “Xoossaa na7aa” geetettidoy hegaassa. Hegaadankka, Yesuusi ba Aawaagaa mala eeshshay deꞌiyoogaa gididi merettido gishshau, “Xoossaa Na7aa” geetettiis.—Luqaasa 3:38; Yohaannisa 1:14, 49 nabbaba.

Yesuusi merettidoy awudee?

Xoossay Yesuusa medhidoy Addaama medhanaappe kase. Xoossay Yesuusa medhidi, kiitanchata gujjin hara ubbabaa a baggaara medhiis. Geeshsha Maxaafay Yesuusa “merettidabaa ubbaappe aadhdhiya baira Na7a” yaagiyoy hegaassa.—Qolasiyaasa 1:15, 16 nabbaba.

Yesuusi Beetaliheemen yelettanaappe kase ayyaana mereta gididi saluwan deꞌiis. Keerido wodee gakkin, Yesuusi asa gididi yelettanaadan, Xoossay a deꞌuwaa saluwaappe saꞌaa yeddidi, Mayraami uluwan tilettanaadan oottiis.—Luqaasa 1:30-32; Yohaannisa 6:38; 8:23 nabbaba.

Yesuusi asa gididi saꞌan yelettanaadan Xoossay oottidoy aybissee? Yesuusi oottido gitabay aybee? Ha oyshatu zaaruwaa Geeshsha Maxaafaappe demmana danddayaasa; Xoossaynne Yesuusi neessi oottidobaa neeni akeekanaadaaninne nashshanaadan hegee keehippe maaddana.

Gujo qofaa demmanau, Yihoowa Markkati attamissido ha maxaafaa shemppo 4 xeella. Tumuppe Geeshsha Maxaafay Tamaarissiyoy Aybee?