Yesuusi Xoossaa Garuwa Geeshshees

Yesuusi Yerusalaame biidoy 30 M.Ln ofinttaana. Paasikaa Baalawu daro asay he katamaa yi uttiis. Paasikaa Baalaa bonchiyo wode, Xoossaa garuwan eti mehiyaa yarshshuwaa yarshshoosona. Amarida asay mehiyaa ekki yiis; shin harati Yerusalaameppe shammidosona.

Yesuusi Xoossaa garuwa geliyo wode, asay mehiyaa yan bayzziyoogaa beꞌiis. Eti Yihoowawu goynniyo keettaa banttawu wore demmiyo soho oottidosona! Yesuusi waatidee? I golaa xurqqayyiyaa dooqqidi, dorssaanne miizzaa Xoossaa garuwaappe kare kessidi yedettiis. I miishshaa laammiyaageetu xarapheezaa aatti yeggidi, eta santtimeta saꞌan laaliis. Yesuusi haraphiyaa bayzziyaageeta hagaadan giis: ‘Ha harapheta hagaappe kessite; ta Aawaa keettaa zalꞌꞌe soho oottoppite!’

Yesuusi oottidoban Xoossaa garuwan deꞌiya asay garamettiis. I erissiyo ashkkarati Masiyaa xeelliyaagan odettida, ‘Taani Yihoowa keettawu keehi mishettana’ yaagiya hiraagaa hassayidosona.

Takkidi, 33 M.Ln, Yesuusi Xoossaa garuwa naaꞌꞌanttuwaa geeshshiis. I ba Aawaa keettaa bonchissennabaa ooninne oottennaadan diggiis.