Shiiquwaa Yiidaageetussi Qonccissuwaa

MOKKIYAAGEETA Mokkiyaageetu oosoy inttena maaddiyoogaa. Kaamiyaa essiyo sohuwaa, cora asay heemettiyo sohuwaa, uttiyo sohuwaa asassi oyqqiyoogaanne harabaa xeelliyaagan, eti yootiyoogaa siyiyoogan hayyanintta etaara hashetite.

XINQQATIYAA Xammaqettanawu giigidaageeti madirakiyawu baazzan deꞌiya, etassi giigida sohuwan uttoosona. Xammaqettanawu giigidaageeti Qeeraa gallassi maallado xinqqatiyaa haasayay doomettanaappe kase etawu giigida sohuwan uttana bessees. Eti ubbay pooxaanne xammaqettiyo wode maayiyo giiga maayuwaa ehaana bessees.

MIISHSHAA IMMIYOOGAA SHiiqoy ufayssiyaagaanne Yihoowakko shiiqanawu maaddiyaagaa gidanaadan, ubbawu gidiya oydee, cenggurssaanne biiduwaa miishshati, qassi hara goꞌꞌiya darobati giigidosona; hegawu daro miishshay kiyiis. Intte intte dosan immiyo miishshaa he kessido miishshawunne kumetta saꞌan oosettiya oosuwaa maaddanawukka goꞌettoos. Miishshaa yeggiyo saaxineti shiiquwaa sohuwan injjetiyaasan deꞌoosona. Eta bolli qoncce malaatay deꞌees. Intte donate.jw. org saytiyaa xomoosiyoogan Interneettiyaa baggaarakka immana danddayeeta. Intte immiyo miishshawu keehippe galatoos; Kawotettaa oosuwawu koshshiyaabaa intte kehatettan immidi maaddiyo gishshawu, Bolla Gididi Heemmiyaagee galatees.

AKKAMUWAN KOYRO MAADUWAA Hagee giigidoy qoppennan sahettidaageetu xallaassa gidiyoogaa hayyanintta hassayite.

BAYI BEETTIDABATA WOTTIYO KIFILIYAA Bayi beettida ubbabata, Bayi Beettidabata Wottiyo Kifiliyaa efaana bessees. Inttessi bayidabi deꞌikko, he kifiliyaa biidi inttebaa dooridi ekkite. Bantta soo asaappe shaahettida naata, bayi beettidabata wottiyo kifiliyaa efaana bessees. SHin hegaa malabay hanenna mala hayyanintta intte naata naagite; eti intte matan deꞌiyoogaa akeekite.

UTTIYO OYDETA Hayyanintta haratussi qoppite. Uttiyoosaa oyqqana bessiyoy, inttenaara issippe yiya, inttenaara issi keettan deꞌiyaanne intte xannaꞌissiyo asatu xallaassa gidiyoogaa hassayite. Intte matan deꞌiya mela oydiyan issi issibaa coo wottoppite.

DOSAN OOTTIYOOBATA Killiliyaa shiiquwaara gayttidaagan oosettiya dumma dumma oosuwaa oottana koyikko, hayyanintta ha kifiliyawu erissite.

DUMMA SHIIQUWAA

Kawotettaa Mishiraachuwaa Yootiyaageetu Timirtte Keettaa Layttay 23-65 gidido, bantta haggaazuwaa aassana koyiya aqinyeti Woggaa Gallassi saateppe guyyiyan, Kawotettaa Mishiraachuwaa Yootiyaageetu Timirtte Keettan tamaaranawu mazggafettiya ishatuura shiiqanaadan shoobboos. SHiiquwaa sohoynne wodee odettana.