Murttiyogaa

Yesuusi Oottidobaa

BIIDUWA: Yesuusi Niqoodimoosa Tamaarissees

1. BIIDUWA beꞌa, woy Yohaannisa 3:1, 2 nabbaba. Yaatada, kaallidi deꞌiya oyshata akeeka:

1. Niqoodimoosi Yesuusaara qamman gayttana koyidoy aybissa gidana danddayii?—Yohaannisa 12:42, 43 xeella.

2. Yesuusi Niqoodimoosaara qamman gayttidoogee erissiyo ashkkara oottanawu I murttidoogaa waati bessii?

Yesuusappe Ay Tamaariyoo?

2. Asay erissiyo ashkkara gidanaadan maaddanawu nuuni murttiyo wode, eta siiqiyogaa bessoos.

Yesuusa Milata

3. He urawu injjetiya wodiyaninne sohuwan xannaꞌissa. I saaminttaa giddon xannaꞌana gallassaanne saatiya doorana danddayees. Xannaꞌanawu awu injjetiyoy A ooso sohuwanee, A soonee woy harasaanee? Awu injjetiya wodiyaninne sohuwan xannaꞌissanawu danddayettida keenan ne prograamiya giigissa.

4. Aggennan xannaꞌissa. Neeni awukko baanaba gidikko, xannaꞌissiyogee attanaadan oottoppa. Yaatiyogaappe, kaallidi deꞌiyabata qoppa:

1. He saaminttan hara galla xannaꞌissana danddayay?

2. Silkkiyan woy biiduwan dawalada xannaꞌissana danddayay?

3. Aassiya hara uri xannaꞌissanaadan oychchana danddayay?

5. Suurebaa qoppanawu maaddanaadan woossa. Ne xinaatee ubbatoo xannaꞌanawu woy tamaaridobaa oosuwan peeshshanawu metootiyaba gidikkokka, neeni hidootaa qanxxennaadan maaddana mala Yihoowa woossa. (Pili. 2:13) Ne xinaatiyawu daro loꞌꞌo eeshshati deꞌana danddayoosona; neeni hegeeta ubbatoo qoppanawu maaddanaadan woossa.